February 01, 2023
February 01, 2023
അൻവർ പാലേരി
ദോഹ :ലോകകപ്പിൽ അറബ് ലോകത്തിന്റെ പ്രതീക്ഷ ഉയർത്തിയ മൊറോക്കോയുടെ പ്രമുഖ താരം സോഫിയാൻ ബൗഫലും ചിലിയുടെ ജെയ്‌സൺ വെർഗാസും ഖത്തറിന്റെ അൽ റയ്യാനിൽ ചേർന്നു.രണ്ടു താരങ്ങളും തങ്ങളുമായി കരാറിൽ ഒപ്പുവെച്ചതായി അൽ റയ്യാൻ എസ്‌സി ചൊവ്വാഴ്ച അറിയിച്ചു.ഫ്രഞ്ച് ലീഗ് 1 ക്ലബ് ആംഗേഴ്സിൽ നിന്നാണ് ബൗഫൽ എത്തുന്നത്, അതേസമയം ചിലിയൻ ഫോർവേഡ് ക്ലബ്ബ് യൂണിവേഴ്‌സിഡാഡ് ഡിയിൽ നിന്നാണ് ജെയ്‌സൺ ഖത്തറിലേക്ക് കൂടുമാറുന്നത്.
29-കാരനായ അറ്റാക്കിംഗ് മിഡ്‌ഫീൽഡർ സോഫിയാൻ ബൗഫൽ അറ്റ്‌ലസ് ലയൺസിന്റെ ലോകകപ്പ് കാമ്പെയ്‌നിൽ നിർണായകമായിരുന്നു, ഒരു മത്സരത്തിന് ശരാശരി 19 പാസുകൾ, 78 ശതമാനം പാസ് കംപ്ലീഷൻ എന്നിവയാണ് താരത്തിന്റെ ലോകകപ്പ് റേറ്റിങ്..2016 ലെ ഫ്രഞ്ച് ലീഗിലെ ഏറ്റവും മികച്ച ആഫ്രിക്കൻ കളിക്കാരനുള്ള അവാർഡ് നേടിയ ബൗഫൽ കഴിഞ്ഞ വർഷം തന്റെ പതിനൊന്ന് ക്ലബ് മത്സരങ്ങളിൽ നിന്നായി മൂന്ന് ഗോളുകൾ നേടിയിട്ടുണ്ട്.കരാറിന്റെ വിശദാംശങ്ങൾ അൽ റയ്യാൻ പുറത്തുവിട്ടിട്ടില്ലെങ്കിലും അൽ റയ്യാൻ ആരാധകർ ബൗഫലിന്റെ വരവിൽ ഏറെ ആഹ്ളാദത്തിലാണ്.
പോർച്ചുഗലിനെതിരായ അവിസ്മരണീയ വിജയത്തിൽ സോഫിയാൻ ബൗഫൽ തന്റെ മാതാവിനൊപ്പം പച്ചപ്പുൽ മൈതാനിയിൽ നൃത്തം ചെയ്യുന്ന വീഡിയോ ലോകം ഏറ്റെടുത്തിരുന്നു.
ഇരുപത്തഞ്ചുകാരനായ വെർഗാസ്, നിർണായകമായ മിഡ്-ഡിസ്റ്റൻസ് ഫിനിഷുകൾക്കും അനായാസമായ നീക്കങ്ങൾക്കും പേരുകേട്ട കളിക്കാരനാണ്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
