December 14, 2022
December 14, 2022
ന്യൂസ്‌റൂം ബ്യുറോ
ദോഹ : ഇന്ന് നടക്കുന്ന ലോകകപ്പ് സെമിഫൈനലിനായി ആരാധകരെ ദോഹയിലേക്ക് കൊണ്ടുപോകാൻ ബുധനാഴ്ച ഷെഡ്യൂൾ ചെയ്തിരുന്ന എല്ലാ വിമാനങ്ങളും റദ്ദാക്കുകയാണെന്ന് മൊറോക്കോയുടെ ദേശീയ എയർലൈൻസ്. ഖത്തർ അധികൃതരുടെ പുതിയ നിയന്ത്രണങ്ങൾ ചൂണ്ടിക്കാട്ടിയാണ് തീരുമാനം.
ഖത്തർ അധികൃതർ ഏർപ്പെടുത്തിയ ഏറ്റവും പുതിയ നിയന്ത്രണങ്ങളെത്തുടർന്ന്, വിമാനങ്ങൾ റദ്ദാക്കിയതായും ഖേദം പ്രകടിപ്പിക്കുന്നതായും റോയൽ എയർ മറോക്ക് പ്രസ്താവനയിൽ അറിയിച്ചതായി വാർത്താ ഏജൻസികൾ റിപ്പോർട്ട് ചെയ്തു. അതേസമയം,സർവീസുകൾ റദ്ദാക്കിയതിനെ കുറിച്ച് ഖത്തർ സർക്കാരിന്റെ വിശദീകരണം ലഭിച്ചിട്ടില്ലെന്നും റിപ്പോർട്ടിൽ പറയുന്നു.
ഫ്രാൻസിനെതിരെ ബുധനാഴ്ച രാത്രി നടക്കുന്ന സെമിഫൈനൽ മത്സരത്തിനായി ആരാധകരെ ഖത്തറിലേക്ക് എത്തിക്കാൻ 30 അധിക വിമാനങ്ങൾ നൽകുമെന്ന് റോയൽ എയർ മറോക്ക് മുമ്പ് പറഞ്ഞിരുന്നു. എന്നാൽ 14 വിമാനങ്ങൾ ഷെഡ്യൂൾ ചെയ്യാൻ മാത്രമാണ് ചൊവ്വാഴ്ച സാധിച്ചത്. ഇതിനകം മാച്ച് ടിക്കറ്റും ഹോട്ടൽ മുറികളും ബുക്ക് ചെയ്ത റദ്ധാക്കപ്പെട്ട ഏഴ് വിമാനങ്ങളിലെ ആരാധകർക്ക് ഇതുവരെ ഖത്തറിലേക്ക് പറക്കാൻ സാധിച്ചിട്ടില്ല. വിമാന ടിക്കറ്റുകൾ റീഫണ്ട് ചെയ്യുമെന്നും ഉപഭോക്താക്കളോട് മാപ്പ് പറയുന്നതായും എയർലൈൻസ് അറിയിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക
