February 28, 2023
February 28, 2023
ന്യൂസ്റൂം ബ്യുറോ
ദോഹ : കോവിഡ് -19 അടിയന്തര സാഹചര്യങ്ങളെ മുൻനിർത്തി ആരോഗ്യ മേഖലയിൽ പ്രവർത്തിക്കുന്നവർക്ക് അനുവദിച്ചിരുന്ന താൽകാലിക ലൈസൻസ് നാളെ മുതൽ നീട്ടി നൽകില്ല. കോവിഡ് വ്യാപനം രൂക്ഷമായ ഘട്ടത്തിൽ നഴ്സിംഗ് സ്റ്റാഫുകളെ താൽക്കാലിക ലൈസൻസ് മുഖേന നിയമിക്കുകയും പ്രാക്ടീസ് ചെയ്യാൻ അനുവദിക്കുകയും ചെയ്തിരുന്നു.തുടർന്ന് കോവിഡ് ഭീഷണി നീങ്ങിയപ്പോഴും ലൈസൻസ് നീട്ടി നൽകിയിരുന്നു.ഈ തീരുമാനമാണ് നാളെ മുതൽ റദ്ദാക്കുന്നത്.
അതേസമയം, ലൈസൻസിംഗ് നടപടിക്രമങ്ങൾ പുനഃസ്ഥാപിക്കുമെന്നും താൽക്കാലിക ലൈസൻസുള്ള എല്ലാ ആരോഗ്യ പ്രാക്ടീഷണർമാരും സ്ഥിരം ലൈസൻസ് നേടുന്നതിനായി അപേക്ഷിക്കണമെന്നും മന്ത്രാലയം അറിയിച്ചു.നിലവിൽ താൽക്കാലിക ലൈസൻസുള്ള പ്രാക്ടീഷണർമാർ കാലാവധി അവസാനിക്കുന്ന മുറക്ക് ജോലി അവസാനിപ്പിക്കേണ്ടിവരും.
വാർത്തകൾ ലഭിക്കാൻ നിലവിൽ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9