May 23, 2023
May 23, 2023
ന്യൂസ്റൂം ബ്യുറോ
ദോഹ : ഖത്തറിൽ വീട്ടിലെ പാർട്ടിക്കിടെ തോക്കെടുത്ത് വെടിയുതിർത്ത വ്യക്തിയെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു.ഇയാളിൽ നിന്നും തോക്ക് പിടിച്ചെടുത്തതായും പ്രതിക്കെതിരെ ആവശ്യമായ നിയമനടപടികൾ സ്വീകരിച്ചു വരികയാണെന്നും മന്ത്രാലയം പ്രസ്താവനയിൽ വ്യക്തമാക്കി.
വീട്ടിൽ പാർട്ടി നടക്കുന്നതിനിടെ പ്രതി തോക്കുയർത്തി വെടിവെക്കുന്നതിന്റെ ദൃശ്യം സമൂഹ മാധ്യമങ്ങളിൽ ചർച്ചയായതിന് പിന്നാലെയാണ് നടപടി.സംഭവത്തെ കുറിച്ചുള്ള കൂടുതൽ വിവരങ്ങൾ ലഭ്യമല്ല.അതേസമയം,സമൂഹത്തിൽ സുരക്ഷ ഉറപ്പാക്കാൻ ആവശ്യമായ എല്ലാ നടപടികളും സ്വീകരിക്കുന്നതിനുള്ള പ്രതിബദ്ധത മന്ത്രാലയം ആവർത്തിച്ചു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe