September 08, 2021
September 08, 2021
ദോഹ : മൂന്ന് ദിവസം മുമ്പ് അൽ വുഖൈറിൽ കാണാതായ യുവാവിനെ മരിച്ച നിലയിൽ കണ്ടെത്തി.33 കാരനായ സ്വദേശി യുവാവാണ് മരിച്ചത്.ഒരു സംഘം യുവാക്കൾക്കൊപ്പം പോലീസ് നടത്തിയ തെരച്ചിലിനൊടുവിലാണ് കഴിഞ്ഞ ദിവസം രാത്രിയോടെ മൃതദേഹം കണ്ടെത്തിയത്.
അൽ വുഖൈറിൽ യുവാവിനെ മൂന്ന് ദിവസമായി കാണാതായതായി പോലീസിൽ പരാതി ലഭിച്ചിരുന്നു. പ്രദേശത്ത് ഊർജ്ജിതമായ തിരച്ചിൽ നടക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതോടെയാണ് സംഭവം പുറംലോകം അറിഞ്ഞത്. അൽവുഖൈറിന്റെ തെക്ക് ഭാഗത്തെ പ്രദേശമായ അൽഖർറയിൽ 2003 മോഡൽ സിൽവർ ലാൻഡ് ക്രൂയിസർ കാറിൽ യുവാവിനെ കണ്ടതായി റിപ്പോർട്ടുകൾ ഉണ്ടായിരുന്നു.