May 02, 2023
May 02, 2023
ന്യൂസ്റൂം ബ്യുറോ
ദോഹ : ഭക്ഷ്യവസ്തുക്കൾ കാലഹരണപ്പെടുന്ന തിയ്യതിയിൽ(എക്സ്പയറി ഡേറ്റ്) മാറ്റം വരുത്തിയതായി കണ്ടെത്തിയതിനെ തുടർന്ന് ദോഹയിൽ സ്വകാര്യ ഫാക്റ്ററി അടച്ചുപൂട്ടിയതായി മുനിസിപ്പൽ മന്ത്രാലയം അറിയിച്ചു.അൽ റയ്യാൻ മുനിസിപ്പാലിറ്റിയിലാണ് കുപ്പി ജ്യൂസുകളുടെ കാലാവധി നീട്ടി തട്ടിപ്പ് നടത്തുന്ന ഫാക്റ്ററിക്കെതിരെ അധികൃതർ നടപടിയെടുത്തത്.ചെറുകിട, ഇടത്തരംവ്യവസായ മേഖലയിൽ ആരോഗ്യ വിഭാഗത്തിന്റെ സഹകരണത്തോടെ മുനിസിപ്പാലിറ്റി നടത്തിവരുന്ന പരിശോധനാ കാമ്പയിനുകളുടെ ഭാഗമായാണ് കുറ്റകൃത്യം കണ്ടെത്തിയത്.ഖത്തറിലെ ഭക്ഷ്യ നിയമം അനുസരിച്ച് കാലാവധി കഴിഞ്ഞ ഉൽപന്നങ്ങൾ വിൽപന നടത്തുന്നത് കുറ്റകൃത്യമാണ്.എന്നാൽ കാലഹരണപ്പെട്ട ഉൽപന്നങ്ങൾ തിയ്യതിയിൽ മാറ്റം വരുത്തി വീണ്ടും വിപണിയിൽ എത്തിക്കുന്നതായി വിവരം ലഭിച്ചതിനെ തുടർന്നാണ് അധികൃതർ പരിശോധന നടത്തിയത്.
നിയമലംഘകർക്കെതിരെ നിയമനടപടികൾ സ്വീകരിച്ചതായും ഉപഭോക്തൃ സംരക്ഷണ നിയമവും ചട്ടങ്ങളും ലംഘിക്കുന്നവർക്കെതിരെ കടുത്ത നടപടികൾ സ്വീകരിക്കുമെന്നും മന്ത്രാലയം മുന്നറിയിപ്പ് നൽകി.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI