March 27, 2020
March 27, 2020
ദോഹ : കോവിഡ് വ്യാപനത്തിന്റെ പശ്ചാത്തലത്തിൽ രാജ്യത്തെ വാണിജ്യ സ്ഥാപനങ്ങൾക്ക് ഏർപെടുത്തിയ നിയന്ത്രണം സംബന്ധിച്ച് വാണിജ്യ-വ്യവസായ മന്ത്രാലയം കൂടുതൽ വ്യക്തത വരുത്തി. ഇതനുസരിച്ച് ഭക്ഷ്യവസ്തുക്കൾ,ഫാർമസികൾ, ഭക്ഷ്യ ഡെലിവറി നടത്തുന്ന സ്ഥാപനങ്ങൾ എന്നിവ ഒഴികെയുള്ള വ്യാപാരസ്ഥാപനങ്ങളെല്ലാം അടച്ചിടുമെന്നാണ് കഴിഞ്ഞ ദിവസം അറിയിച്ചിരുന്നതെങ്കിലും നിയന്ത്രണം പല മേഖലകളിൽ പ്രവർത്തിക്കുന്ന സ്ഥപനങ്ങൾക്കും ബാധകമല്ലെന്നാണ് ഇപ്പോൾ വ്യക്തമാക്കുന്നത്.
റെസ്റ്റോറന്റ്,കഫേകൾ,വിദ്യാഭ്യാസ സ്ഥാപനങ്ങളും അനുബന്ധ സേവനങ്ങളും,കലാ-സാംസ്കാരിക-വിനോദ മേഖലകളുമായി ബന്ധപ്പെട്ട സ്ഥാപനങ്ങൾ, ഷൂ-വാച് റിപ്പയർ കിയോസ്കുകൾ,വിവാഹം,ഈവൻസ്,മറ്റു വിനോദ പരിപാടികൾ എന്നിവ സംഘടിപ്പിക്കുന്ന സ്ഥാപനങ്ങൾക്ക് മാത്രമാണ് ഇനി ഒരറിയിപ്പുണ്ടാകുന്നത് വരെ നിരോധനം ഏർപെടുത്തിയിട്ടുള്ളത്.മറ്റുള്ള എല്ലാ കടകൾക്കും തുറന്ന് പ്രവർത്തിക്കാമെങ്കിലും രാവിലെ 6 മുതൽ വൈകീട്ട് ഏഴു വരെ മാത്രമേ പ്രവർത്തിക്കാൻ കഴിയൂ. എന്നാൽ അവശ്യസാധനങ്ങളായ ഭക്ഷ്യവസ്തുക്കൾ,ഫാർമസി,ഡെലിവറി എന്നിവയ്ക്ക് ഈ സമയ പരിധി ബാധകമല്ല.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
