June 27, 2023
June 27, 2023
ന്യൂസ്റൂം ബ്യുറോ
ദോഹ: ഖത്തറിലെ സീലൈൻ ബീച്ചിൽ സ്ത്രീയെ രക്ഷിക്കാൻ ശ്രമിക്കുന്നതിനിടെ മരണപ്പെട്ട നൈജീരിയൻ ഫുട്ബോളർക്ക് ആദരാഞ്ജലി അർപ്പിക്കാൻ ടീം അംഗങ്ങൾ വെള്ളിയാഴ്ച ഫുട്ബോൾ മത്സരം സംഘടിപ്പിച്ചു.
ജൂൺ 17 നാണ് കടലിൽ അപകടത്തിൽ പെട്ട സ്ത്രീയെ രക്ഷിക്കുന്നതിനായി മറ്റ് മൂന്ന് പേർക്കൊപ്പം കടലിൽ ചാടിയ അഡെവാലെ അകിന്തയോ (40) ആണ് മരണപ്പെട്ടത്.സ്ത്രീയെ രക്ഷിച്ചെങ്കിലും ഗുരുതരാവസ്ഥയിലായ അകിന്തയോയെ ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു.ദോഹ ന്യൂസ് ആണ് ഇക്കാര്യം റിപ്പോർട്ട് ചെയ്തത്.ആന്തരികാവയവങ്ങൾക്ക് ക്ഷതമേറ്റ അഡെവാലെ വെള്ളത്തിൽ നിന്ന് പുറത്ത് വന്നതിന് ശേഷം കുഴഞ്ഞുവീഴുകയായിരുന്നുവെന്നും ആശുപത്രിയിൽ എത്തുന്നതിന് മുമ്പ് തന്നെ മരണപ്പെടുകയായിരുന്നുവെന്നും ടീം അംഗമായ സോദിഖ് ഒലവോയിൻ ദോഹ ന്യൂസിനോട് പറഞ്ഞു.മരണപ്പെട്ട അഡെവാലെ അകിന്തയോടുള്ള ആദരവിന്റെ ഭാഗമായാണ് ടീം അംഗങ്ങൾ അനുശോചന ഫുട്ബോൾ സംഘടിപ്പിച്ചത്.
സേഫ്റ്റി എഞ്ചിനീയറായി ജോലി ചെയ്യുന്ന അകിന്തയോ പ്രാദേശിക ഖത്തർ കമ്മ്യൂണിറ്റി ഫുട്ബോൾ ലീഗിലെ ക്ലബിനായി സ്ഥിരമായി കളിക്കുന്ന കളിക്കാരനായിരുന്നു.2011 മുതൽ ദോഹയിൽ കുടുംബത്തോടെ താമസിക്കുകയായിരുന്നു..
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/LiM4EdDAtkTAmYRCb0LMz9