July 26, 2021
July 26, 2021
ടോക്കിയോ: വനിതകളുടെ 49 കിലോ ഗ്രാം വിഭാഗം ഭാരോദ്വഹനത്തില് വെള്ളി നേടിയ ഇന്ത്യയുടെ മീരഭായ് ചാനുവിന് സ്വര്ണം ലഭിക്കാന് സാധ്യത. ഈയിനത്തില് ഒന്നാമതെത്തിയ ചൈനയുടെ ഴിഹ്വായ് ഹൂ ഉത്തേജക മരുന്ന പരിശോധനയ്ക്ക് വിധേയയാകും. പരിശോധനയില് പരാജയപ്പെട്ടാല് ചാനുവിന് സ്വര്ണം ലഭിക്കും. സ്നാച്ചില് 87 കിലോ ഭാരവും ജെര്ക്കില് 115 കിലോ ഭാരവും ഉയര്ത്തിയാണ് മീരാഭായ് ചാനു വെള്ളി നേടിയത്. ചൈനീസ് താരത്തെ അയോഗ്യയാക്കിയേക്കാമെന്നാണ് പറയപ്പെടുന്നത്. താരത്തോട് ടോക്കിയോയില് തുടരാനും ആവശ്യപ്പെട്ടിട്ടുണ്ട്. അങ്ങനെ വന്നാല് മീരാഭായ് ഒന്നാം സ്ഥാനത്തേക്ക് കയറും. ഒളിംപിക് ചരിത്രത്തില് ഭാരോദ്വഹനത്തില് മെഡല് നേടുന്ന രണ്ടാമത്തെ ഇന്ത്യന് താരമാണ് മീരാഭായ്. ഭാരോദ്വഹനത്തില് കര്ണം മല്ലേശ്വരിക്ക് ശേഷം ഇന്ത്യക്ക് മെഡല് ലഭിക്കുന്നത് ഇതാദ്യമാണ്. ഈ ഇനത്തില് 21 വര്ഷത്തിന് ശേഷമാണ് ഇന്ത്യക്ക് മെഡല് ലഭിക്കുന്നത്. 2000ല് സിഡ്നിയില് കര്ണം മല്ലേശ്വരി വെങ്കലം നേടിയിരുന്നു.