May 03, 2021
May 03, 2021
ദോഹ : കോവിഡ് ദുരിതം വിതച്ച ഇന്ത്യയിലേക്കുള്ള മെഡിക്കൽ സഹായം ദോഹയിൽ നിന്ന് ഇന്ത്യയിലേക്ക് യാത്ര തിരിച്ചു.ഇന്ത്യൻ എംബസിക്ക് കീഴിലെ ഇന്ത്യൻ ബെനവലന്റ് ഫോറം ശേഖരിച്ച അടിയന്തിര മെഡിക്കല് സഹായവുമായാണ് നാവികസേനാ കപ്പലായ ഐഎന്എസ് കൊല്ക്കത്ത ദോഹയിൽ നിന്നും പുറപ്പെട്ടത്. 200 ഓക്സിജന് സിലിണ്ടറുകളും 43 ഓക്സിജന് കോണ്സണ്ട്രേറ്റേഴ്സുമടങ്ങുന്ന മെഡിക്കൽ ഉപകരണങ്ങളാണ് കപ്പലിലുള്ളത്.
ഷിപ്മെന്റ് വഹിച്ച് കപ്പല് ഇന്നലെ രാത്രിയോടെ പുറപ്പെട്ടു. ഖത്തര് ഇന്ത്യന് അംബാസഡര് ഡോ ദീപക് മിത്തല്, ഐസിബിഎഫ് പ്രസിഡന്റ് സിയാദ് ഉസ്മാന് തുടങ്ങിയവര് കപ്പലിനെ യാത്രയാക്കി.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക