April 16, 2023
April 16, 2023
ന്യൂസ്റൂം ബ്യൂറോ
ദോഹ: ഹമദ് അന്താരാഷ്ട്ര വിമാനത്താവളത്തിലൂടെ കടത്താന് ശ്രമിച്ച കഞ്ചാവും മയക്കുമരുന്ന് ഗുളികകളും കസ്റ്റംസ് അധികൃതര് പിടികൂടി. യാത്രികന്റെ ശരീരഭാഷയില് സംശയം തോന്നിയതിനെ തുടര്ന്ന് കസ്റ്റംസ് ഉദ്യോഗസ്ഥര് നടത്തിയ പരിശോധനയിലാണ് ബാഗില് നിന്ന് കഞ്ചാവും മയക്കുമരുന്ന് ഗുളികകളും കണ്ടെത്തിയത്. ഇലക്ട്രോണിക് സിഗരറ്റ്, ച്യൂയിംഗം എന്നിവയില് ഒളിപ്പിച്ച നിലയിലായിരുന്നു മയക്കുമരുന്ന് ഗുളികകളും കഞ്ചാവും. യാത്രക്കാരനെയും പിടികൂടിയ നിരോധിത മയക്കുമരുന്നും തുടര്നടപടികള്ക്കായി ബന്ധപ്പെട്ട വിഭാഗത്തിന് കൈമാറി.
രാജ്യത്തേക്ക് നിരോധിത വസ്തുക്കള് അനധികൃതമായി കടത്തുന്നത് തടയാന് കസ്റ്റംസ് ഉദ്യോഗസ്ഥര്ക്ക് ഏറ്റവും പുതിയ ഉപകരണങ്ങളും യാത്രക്കാരുടെ ശരീരഭാഷ മനസിലാക്കി പിടികൂടുന്നതിനുള്ള തുടര്ച്ചയായ പരിശീലനവും നല്കിവരുന്നുണ്ട്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI