March 25, 2023
March 25, 2023
അൻവർ പാലേരി
ദോഹ :ദോഹയിലെ മൻസൂറയിൽ കെട്ടിടം തകർന്നുണ്ടായ അപകടത്തിൽ മരിച്ച മലയാളികളുടെ എണ്ണം മൂന്നായി.അപകടമുണ്ടായ ദിവസം മുതൽ കാണാതായ കാസർകോട് പുളിക്കൂർ സ്വദേശി അഷ്‌റഫ് എന്ന അച്ചപ്പുവിന്റെ മൃതദേഹമാണ് ശനിയാഴ്ച വൈകീട്ടോടെ തിരിച്ചറിഞ്ഞത്.അപകടത്തിന് പിന്നാലെ ഇദ്ദേഹത്തെ കാണാനില്ലെന്ന വിവരം ന്യൂസ്‌റൂം നേരത്തെ റിപ്പോർട്ട് ചെയ്തിരുന്നു.
ഇതുകൂടി വായിക്കുക :ദോഹയിൽ ബഹുനില കെട്ടിടം തകർന്നുണ്ടായ അപകടം,മലയാളി യുവാവിനെ കാണാനില്ലെന്ന് ബന്ധുക്കൾ
ഖത്തറിലെ വിവിധ ആശുപത്രികളിൽ ഉൾപെടെ ഇദ്ദേഹത്തെ കുറിച്ച് അന്വേഷിച്ചെങ്കിലും വിവരമൊന്നും ലഭിച്ചിരുന്നില്ല.ഒരു മാസം മുമ്പാണ് അഷ്‌റഫ് ഖത്തറിൽ എത്തിയത്.
ഭാര്യ ഇർഫാന.ഇരട്ടക്കുട്ടികളടക്കം നാല് മക്കളുണ്ട്.
അഷ്‌റഫിന്റെ മൃതദേഹം കൂടി തിരിച്ചറിഞ്ഞതോടെ ദുരന്തത്തിൽ മരിച്ച മലയാളികളുടെ എണ്ണം മൂന്നായി.നിലമ്പൂർ സ്വദേശി ഫൈസൽ കുപ്പായി(39),മലപ്പുറം പൊന്നാനി മാറഞ്ചേരി സ്വദേശി നൗഷാദ് മണ്ണറയിൽ (44),എന്നിവരുടെ മൃതദേഹങ്ങളാണ് നേരത്തെ തിരിച്ചറിഞ്ഞത്.അതേസമയം.അപകടത്തിൽ കാണാതായ മറ്റൊരു കാസർകോട് സ്വദേശിയുടെ മൃതദേഹം കൂടി തിരിച്ചറിഞ്ഞതായും വിവരമുണ്ട്.ഇതിന്റെ കൂടുതൽ വിവരങ്ങൾ ലഭ്യമായിട്ടില്ല.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva
