January 25, 2023
January 25, 2023
ന്യൂസ്റൂം ബ്യുറോ
ദോഹ:ഖത്തറിലെ ഭവന്സ് പബ്ലിക്ക് സ്കൂള് വിദ്യാര്ഥി ആര്യന് എസ്. ഗണേഷിന് ഇന്ത്യയില് നടന്ന സി.ബി.എസ്.ഇ ദേശീയ നീന്തല് ചാമ്പ്യൻഷിപ്പിൽ സ്വര്ണമെഡല്.ഖത്തറില്നിന്നുള്ള ഇന്ത്യന് സ്കൂളുകളെ പ്രതിനിധീകരിച്ചാണ് പന്ത്രണ്ടാം ക്ലാസ് വിദ്യാർത്ഥിയായ ആര്യന് ദേശീയതല ചാമ്പ്യൻഷിപ്പിൽ പങ്കെടുത്തത്.
ജനുവരി 21 മുതല് 24 വരെ രാജ്കോട്ടിലെ ജീനിയസ് സ്കൂളും ജേ ഇന്റര്നാഷനല് സ്കൂളും ചേര്ന്ന് സര്ദാര് വല്ലഭ്ഭായ് പട്ടേല് സ്വിമ്മിങ് പൂളിലാണ് ചാമ്പ്യൻഷിപ്പിന് വേദിയൊരുക്കിയത്. അണ്ടര് 19 ആണ്കുട്ടികളുടെ വിഭാഗത്തില് മത്സരിച്ച ആര്യന് എസ്. ഗണേഷ്, പങ്കെടുത്ത മൂന്നിനങ്ങളിലും മെഡലുകള് നേടി.
50 മീറ്റര് ബട്ടര്ഫ്ലൈ സ്ട്രോക്കില് 27.44 സെക്കന്ഡില് തുഴഞ്ഞെത്തി സ്വര്ണമെഡലും 50 മീറ്റര് ബ്രെസ്റ്റ് സ്ട്രോക്കില് വെള്ളിമെഡലും (30.88 സെക്കന്ഡ്), 100 മീറ്റര് ബ്രെസ്റ്റ് സ്ട്രോക്കില് വെങ്കലവും (1:12:30 സെ.) നേടി. ദേശീയ തലത്തില് മികച്ച നേട്ടം കൈവരിച്ച ആര്യനെയും മാതാപിതാക്കളെയും സ്കൂള് മാനേജ്മെന്റ്, പ്രിന്സിപ്പല്, ഫിസിക്കല് എജുക്കേഷന് വിഭാഗം, സ്റ്റാഫ്, വിദ്യാര്ഥികള് എന്നിവര് അഭിനന്ദിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക