January 17, 2023
January 17, 2023
ന്യൂസ്റൂം ബ്യുറോ
ദോഹ :ഖത്തറിലെ പ്രാദേശിക കാർഷിക മേളയായ മഹാസീൽ ഫെസ്റ്റിവലിന്റെ ഏഴാമത് എഡിഷൻ ഈ വാരാന്ത്യത്തിൽ ആരംഭിക്കുമെന്ന് കത്താറ കൾച്ചറൽ വില്ലേജ് ഫൗണ്ടേഷൻ അറിയിച്ചു.പ്രാദേശിക വിപണിയിൽ നിന്നുള്ള കാർഷിക ഉൽപന്നങ്ങൾക്കായി സംഘടിപ്പിക്കുന്ന ഫെസ്റ്റിവൽ ജനുവരി 19 ന് ആരംഭിച്ച് 2023 ജനുവരി 28 വരെ തുടരും.
വ്യാഴം, വെള്ളി, ശനി ദിവസങ്ങളിൽ രാവിലെ 9 മുതൽ രാത്രി 9 വരെ കത്താറയുടെ തെക്ക് ഭാഗത്തായാണ് പ്രദർശന,വിപണന മേള നടക്കുക.
ഖത്തറിൽ പ്രാദേശികമായി ഉൽപാദിപ്പിക്കുന്ന ഏറ്റവും മികച്ച കാർഷിക വിളകളും കാർഷിക ഉൽപന്നങ്ങളും ദേശീയ ഫാമുകളിൽ നിന്നുള്ള ആട്,കോഴി,പക്ഷികൾ, നഴ്സറികൾ, പൂക്കൾ, അലങ്കാര സസ്യങ്ങൾ എന്നിവ പ്രദർശനത്തിലുണ്ടാവും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക