October 05, 2021
October 05, 2021
അൻവർ പാലേരി
ദോഹ : ഖത്തറിൽ സ്കൂളുകൾ തുറന്ന് ദിവസങ്ങൾ കഴിഞ്ഞിട്ടും കുട്ടികളെ സ്കൂളുകളിലെത്തിക്കാൻ രക്ഷിതാക്കൾ നെട്ടോട്ടമോടുകയാണ്.സ്കൂൾ ബസുകൾ ഇല്ലാത്തതിനാൽ സ്വന്തമായി വാഹനമുള്ള രക്ഷിതാക്കൾ അതിരാവിലെ മുതൽ മണിക്കൂറുകളാണ് റോഡിൽ കാത്തുകെട്ടി കിടക്കേണ്ടിവരുന്നത്.അതേസമയം,സ്വന്തമായി വാഹനമില്ലാത്ത രക്ഷിതാക്കൾ ഏറെ ബുദ്ധിമുട്ടിലാണ്.കിലോമീറ്ററുകൾ അകലെയുള്ള സ്കൂളുകളിൽ കുട്ടികളെ എത്തിക്കാനും തിരികെ കൊണ്ടുവരാനും ടാക്സി നിരക്കായി മാത്രം വൻ തുക മുടക്കേണ്ടി വരുന്നതായി ചില രക്ഷിതാക്കൾ 'ന്യൂസ്റൂ'മിനോട് പറഞ്ഞു.
രാജ്യത്തെ പല സ്കൂളുകളും ആവശ്യമായ ഗതാഗത സൗകര്യമില്ലാത്ത സ്ഥലങ്ങളിലായതിനാൽ ചെറിയ ക്ളാസുകളിൽ പഠിക്കുന്ന കുട്ടികളെ സ്കൂളിലെത്തിക്കാൻ രക്ഷിതാവും കൂടെ പോകേണ്ട സാഹചര്യമാണ്.ഇതുകാരണം ജോലിസ്ഥലത്തെത്താൻ വൈകുന്നതായി പാലക്കാട് സ്വദേശിയായ രക്ഷിതാവ് പറഞ്ഞു.ബിർള സ്കൂളിൽ കുട്ടിയെ എത്തിക്കാൻ രണ്ടു മണിക്കൂറിലധികം സമയമെടുക്കുന്നതായി മറ്റൊരു രക്ഷിതാവ് പരാതിപ്പെട്ടു..രാവിലെ അഞ്ചു മണിമുതൽ തന്നെ ഈ ഭാഗങ്ങളിൽ അതിരൂക്ഷമായ ഗതാഗത കുരുക്കാണ് അനുഭവപ്പെടുന്നത്.സ്കൂൾ വിടുന്ന സമയത്ത് ഓഫീസിൽ നിന്നും പുറത്തുപോകാൻ കഴിയാത്തതിനാൽ കുട്ടികളെ തിരിച്ചെത്തിക്കുന്ന കാര്യത്തിലും കടുത്ത മാനസിക സമ്മർദം നേരിടുന്നതായി രക്ഷിതാക്കൾ പറയുന്നു.
ഇതിനിടെ,ഓൺലൈൻ ക്ളാസുകൾ പൂർണമായും നിർത്തിവെച്ചതിനാൽ നഷ്ടപ്പെടുന്ന ദിവസത്തെ ക്ളാസുകൾ വീണ്ടെടുക്കാനും മാർഗമില്ല.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ ക്ലിക്ക് ചെയ്യുക : https://chat.whatsapp.com/CX7i9uLT8pXDO54KgFQbl3