July 25, 2022
July 25, 2022
അൻവർ പാലേരി,ദോഹ
ദോഹ : കൊവിഡ് പ്രതിസന്ധിയുടെ കാലത്ത് ഗള്ഫില് നിന്ന് തിരിച്ചുപോകേണ്ടി വന്ന ഇന്ത്യക്കാരിൽ ഏറ്റവും കൂടുതൽ പേർ ജോലി തേടി തിരികെയെത്തിയത് ഖത്തറിലേക്കാണെന്ന് റിപ്പോർട്ട്.51,496 പേരാണ് കോവിഡാനന്തരം കാര്യങ്ങൾ സുഗമായതോടെ ജോലി തേടി ഖത്തറിൽ തിരികെയെത്തിയത്.. യുഎഇയിലേക്ക് ഈ കാലയളവില് 13,567 പേര് മാത്രമാണ് തിരികെ എത്തിയത്.
രാജ്യസഭയില് എംപിമാരുടെ ചോദ്യത്തിന് ഉത്തരം നല്കുന്നതിനിടെ വിദേശകാര്യ സഹമന്ത്രി വി മുരളീധരനാണ് ഇക്കാര്യം അറിയിച്ചത്.
കോവിഡിനെ തുടർന്ന് 4.23 ലക്ഷം ഇന്ത്യക്കാരാണ് നാട്ടിൽ തിരിച്ചെത്തിയത്. 2020 ജൂണ് മുതല് 2021 ഡിസംബര് വരെയുള്ള കാലയളവിലെ കണക്കുകളാണിത്. ഇവരില് പകുതിയിലേറെയും യുഎഇ, സൗദി അറേബ്യ എന്നീ രാജ്യങ്ങളില് നിന്നുള്ളവരാണ്.
ആകെ 4,23,559 ഇന്ത്യക്കാരാണ് തിരിച്ചെത്തിയത്. ഇവരില് 1,52,126 പേര് യുഇഎയില് നിന്നും 1,18,064 പേര് സൗദി അറേബ്യയില് നിന്നും 51,206 പേര് കുവൈത്തില് നിന്നും 46,003 പേര് ഒമാനില് നിന്നും 32,361 പേര് ഖത്തറില് നിന്നുമാണ് തിരിച്ചെത്തിയത്. ജൂണ് 2020 മുതല് 2021 ഡിസംബര് വരെയുള്ള കാലയളവില് ബഹ്റൈന്, കുവൈത്ത്, ഒമാന്, ഖത്തര്, സൗദി അറേബ്യ, യുഎഇ എന്നീ രാജ്യങ്ങളിലേക്ക് 1,41,172 ഇന്ത്യക്കാര് തൊഴില് തേടി പോയതായും മന്ത്രി അറിയിച്ചു.
വാർത്തകളും പരസ്യങ്ങളും ന്യൂസ്റൂമിനെ അറിയിക്കാനും മറ്റു സംശയങ്ങൾക്കും നേരിൽ വിളിക്കാം-+974 33450 597