May 25, 2023
May 25, 2023
ന്യൂസ്റൂം ബ്യുറോ
ദോഹ: ഖത്തര് സമുദ്രാതിര്ത്തിയില് പ്രവേശിച്ച വാണിജ്യ കപ്പലില് നിന്നും കടലില് വീണ കൊറിയന് പൗരനെ രക്ഷപ്പെടുത്തി.ചരക്ക് കപ്പലിലെ ജീവനക്കാരില് നിന്ന് അപകടത്തെ കുറിച്ച് അറിയിപ്പ് ലഭിച്ചതിനെത്തുടര്ന്ന് രക്ഷാപ്രവര്ത്തകര് സംയുക്ത തെരച്ചില് നടത്തുകയായിരുന്നു. ഇന്റേണല് സെക്യൂരിറ്റി ഫോഴ്സ് ‘ലെഖ്വിയ’, ജനറല് ഡയറക്ടറേറ്റ് ഓഫ് കോസ്റ്റ്സ് ആന്ഡ് ബോര്ഡര് സെക്യൂരിറ്റി, എയര് ആന്ഡ് മാരിടൈം സെര്ച്ച് ആന്ഡ് റെസ്ക്യൂ ടീമുകള്, അമീരി നേവല് ഫോഴ്സ്, അമിരി എയര്ഫോഴ്സ് എന്നിവ സംയുക്തമായാണ് രക്ഷാപ്രവർത്തനം നടത്തിയത്.
ഹെലികോപ്റ്ററുകളും പ്രത്യേക കപ്പലുകളും ഉപയോഗപ്പെടുത്തിയായിരുന്നു തെരച്ചിൽ.. രക്ഷപ്പെടുത്തിയ വ്യക്തിയെ ഹമദ് ആശുപത്രിയില് പ്രവേശിപ്പിച്ചു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe