January 30, 2020
January 30, 2020
ദോഹ: ഖത്തറില്‍ നിന്ന് നാട്ടിലേക്കുള്ള യാത്ര തടസ്സപ്പെട്ട തൃശൂര്‍ സ്വദേശി ഹൃദയാഘാതം മൂലം ദോഹയിൽ മരിച്ചു. കൊടുങ്ങല്ലൂര്‍ അഴീക്കോട് വലിയ പറമ്പിൽ അഷ്‌റഫ്(45) ആണ് മരിച്ചത്.
കഴിഞ്ഞ ദിവസം നാട്ടിലേക്ക് മടങ്ങാന്‍ വിമാനത്താവളത്തിലെത്തിയപ്പോഴാണ് തനിക്ക് യാത്രാ വിലക്കുള്ള കാര്യം അഷ്‌റഫ് അറിയുന്നത്. വ്യക്തിഗത ആവശ്യത്തിന് വേണ്ടി ബാങ്ക് വായ്പ എടുത്തിരുന്ന അഷ്‌റഫ് തുക തിരിച്ചടച്ചിരുന്നെങ്കിലും അത് സംബന്ധമായ ബാങ്കില്‍ നിന്നുള്ള ക്ലിയറന്‍സ് ലെറ്റര്‍ പോലിസില്‍ സമര്‍പ്പിച്ചിരുന്നില്ല. ഇതേ തുടര്‍ന്നാണ് യാത്ര തടസ്സപ്പെട്ടത്.തുടര്‍ന്ന് താമസ സ്ഥലത്തേക്ക് മടങ്ങിയ അഷറഫ് ഹൃദയാഘാതത്തെ തുടര്‍ന്ന് മരിക്കുകയായിരുന്നു. ഭാര്യയും രണ്ട് കുട്ടികളുമുണ്ട്.
വിഷയത്തില്‍ സാമൂഹിക പ്രവര്‍ത്തകര്‍ ഇടപെട്ട് ബാങ്കില്‍ നിന്ന് ക്ലിയറന്‍സ് ലെറ്ററും മറ്റു രേഖകളും ശരിയാക്കി ശരിയാക്കി മൃതദേഹം നാട്ടിലെത്തിക്കാനുള്ള ശ്രമങ്ങള്‍ പുരോഗമിക്കുകയാണ്.
