November 20, 2022
November 20, 2022
അൻവർ പാലേരി
ദോഹ : ഖത്തറിൽ ഇന്നാരംഭിക്കുന്ന കാൽപ്പന്തുകളിയുടെ വിശ്വമേളക്ക് മുന്നോടിയായി ഖത്തറിലെ കണ്ണൂർക്കാരുടെ സംഘടനയായ കുവാഖ് അണിയിച്ചൊരുക്കിയ "കോബ്രി ദി റിതം ഓഫ് ഫുട്ബോൾ" ആൽബം സോങ് റിലീസ് ചെയ്തു.കളിക്കളത്തിലെ കുതിപ്പും വേഗവും സാംസ്കാരിക വൈവിധ്യങ്ങളുടെ കൂടിച്ചേരൽ കൂടിയാണെന്ന് വിളംബരപ്പെടുത്തുന്ന മനോഹരമായ ദൃശ്യ,സംഗീത വിരുന്നായാണ് അണിയറ പ്രവർത്തകരും സംഘാടകരും ആൽബം ഒരുക്കിയത്.
3 മിനുട്ടും 56 സെക്കൻഡും നീളുന്ന ഇംഗ്ലീഷ് ആൽബത്തിന് വരികൾ എഴുതി സംവിധാനം ചെയ്തത് കുവാഖ് കൾച്ചറൽ സെക്രട്ടറി കൂടിയായ രതീഷ് മാത്രാടനാണ്.രാഹുൽ ഗോവിന്ദിന്റെ സംഗീതത്തിൽ അനുശ്രീ നാരായണനാണ് ഗാനം ആലപിച്ചത്.ഖത്തറിൽ ജോലി ചെയ്യുന്ന മോഡലും വ്ളോഗറുമായ പ്രിയങ്ക മൽഹോത്രക്കൊപ്പം നിരവധി പ്രതിഭകളും കുവാഖ് അംഗങ്ങളും ആൽബത്തിൽ അണിനിരക്കുന്നുണ്ട്.
ഒലിവ് -റേഡിയോ സുനോ നെറ്റ്വർക്ക് ഓഫീസിൽ നടന്ന ചടങ്ങിൽ എം ഡി അമീർ അലി ആൽബത്തിന്റെ പ്രകാശനം നിർവഹിച്ചു.കുവാഖ് പ്രസിഡന്റ് മുഹമ്മദ് നൗഷാദ്, ജനറൽ സിക്രട്ടറി വിനോദ് വള്ളിക്കോൽ,അൽ സുലൈത്തി നെറ്റ്വർക്ക് സി ഇ ഒ പ്രമോദ് വാരിയത്ത്, കുവാഖ് വൈസ് പ്രസിഡന്റ് അമിത് രാമകൃഷ്ണൻ എന്നിവർ സംസാരിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക