September 26, 2022
September 26, 2022
ന്യൂസ്റൂം ബ്യുറോ
ദോഹ: ഖത്തർ ലോക കപ്പിന് ഐക്യദാർഢ്യം അറിയിച്ചുകൊണ്ട് ‘മലയാളി സമാജവും റേഡിയോ മലയാളം 98.6 ഉം ചേർന്നൊരുക്കുന്ന കേരളോത്സവം സെപ്റ്റംബർ 30ന് ഐഡിയൽ ഇന്ത്യൻ സ്കൂൾ ഗ്രൗണ്ടിൽ നടക്കും.ഖത്തറിലെ എല്ലാ ജില്ലാ അസോസിയേഷനുകളെയും ചെറുതും വലുതുമായ കായിക, സാംസ്കാരിക സംഘടനകളെയും ഇന്ത്യൻ സ്കൂളുകളെയും ഉൾപ്പെടുത്തി ആയിരത്തിലധികം കലാകാരന്മാരെ അണിനിരത്തിയാണ് കേരളോത്സവം സംഘടിപ്പിക്കുകയെന്ന് സംഘാടകർ വാർത്താസമ്മേളനത്തിൽ അറിയിച്ചു.
ആയ്യായിരത്തിൽപരം ആളുകളെ പ്രതീക്ഷിക്കുന്ന പരിപാടി ഖത്തറിലെ മലയാളി സമൂഹം സംഘടിപ്പിക്കുന്ന ഏറ്റവും വലിയ പരിപാടിയായിരിക്കുമെന്ന് സംഘാടകർ അവകാശപ്പെട്ടു.ഫുട്ബോൾ ഇതിഹാസം ഐ എം വിജയൻ കിക്ക് ഓഫ് നിർവഹിക്കും. 32 രാജ്യങ്ങളുടെ പതാകയുമായി കഥകളിയോടുകൂടി ആരംഭിക്കുന്ന കലാസന്ധ്യയിൽ മെഗാ തിരുവാതിര, മെഗാ ഒപ്പന, മാർഗംകളി, നാടൻപാട്ട്, കോൽക്കളി, കവിത നൃത്താവിഷ്കാരം, നാഗനൃത്തം തുടങ്ങി മറ്റു നിരവധി കലാപരിപാടികൾഅരങ്ങേറും.
വസ്ത്രങ്ങൾ, ആഭരണങ്ങൾ, ഭക്ഷണ സ്റ്റോളുകൾ, തുടങ്ങിയവയും ഉണ്ടായിരിക്കുമെന്നും സംഘാടകർ അറിയിച്ചു.
പ്രസിഡന്റ് ആനന്ദ് നായർ, സെക്രട്ടറി റിയാസ് അഹ്മദ്, ചെയർപേഴ്സൺ ലതാ ആനന്ദ് നായർ, വൈസ് പ്രസിഡന്റ് ബദറുദ്ദിൻ സി മുഹമ്മദ്, വൈസ് പ്രസിഡന്റ് വേണുഗോപാലൻ, ട്രഷറർ വീണ ബിദ, റേഡിയോ 98.6 എഫ് എം സി.ഇ.ഓ അൻവർ ഹുസൈൻ, ഷോ ഡയറക്ടർ കൃഷ്ണനുണ്ണി എന്നിവർ വാർത്താസമ്മേളനത്തിൽ പങ്കെടുത്തു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക