May 13, 2023
May 13, 2023
ന്യൂസ്റൂം ബ്യൂറോ
ബെംഗലൂരൂ: കര്ണാടകയില് ചരിത്രവും ട്രെന്ഡും തിരുത്താന് നരേന്ദ്ര മോദിക്കുപോലും സാധിച്ചില്ല. കര്ണാടകയുടെ മണ്ണില് തുടര്ഭരണം ആഗ്രഹിച്ച ബിജെപിക്ക് നിലതെറ്റുകയായിരുന്നു. 224 അംഗ നിയമസഭയില് 114 സീറ്റാണ് കേവല ഭൂരിപക്ഷത്തിനു വേണ്ടത്. വോട്ടെണ്ണല് അവസാനഘട്ടത്തിലേക്ക് കടക്കുമ്പോള് ഭരണം ഉറപ്പിച്ച കോണ്ഗ്രസ് 136 സീറ്റുകളില് ലീഡ് ചെയ്യുകയാണ്. ബിജെപി 64 സീറ്റുകളിലും ജെഡിഎസ് 20 സീറ്റുകളിലും മുന്നേറുന്നു. 43 ശതമാനം വോട്ട് വിഹിതമാണ് കോണ്ഗ്രസിന് ലഭിച്ചത്. ആ വോട്ട് വിഹിതം സീറ്റായി മാറി എന്നതാണ് കോണ്ഗ്രസിനെ വലിയ നേട്ടത്തിലേക്ക് നയിച്ചത്. 36 ശതമാനം വോട്ടുകള് ബിജെപിക്ക് ലഭിച്ചു.
കര്ണാടകയില് സിദ്ദരാമയ്യ വീണ്ടും മുഖ്യമന്ത്രിയാകുമെന്നാണ് ലഭ്യമാകുന്ന വിവരം. ഡി.കെ. ശിവകുമാര് ഉപമുഖ്യമന്ത്രിയാകും. കോണ്ഗ്രസില് നിന്ന ജയിച്ചുവന്ന എംഎല്എമാരിലും സിദ്ദരാമയ്യയെ പിന്തുണയ്ക്കുന്നവരാണ് അധികവും. ഡികെ ശിവകുമാറിന് പ്രധാനപ്പെട്ട വകുപ്പുകള് നല്കുമെന്നുമാണ് വിവരം.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL