May 09, 2022
May 09, 2022
ദോഹ: ഖത്തർ ഉൾപെടെയുള്ള ഗൾഫ് രാജ്യങ്ങളിലേക്ക് നിരവധി സർവീസുകൾ ഉടൻ സർവീസുകൾ പുനരാരംഭിച്ചേക്കുമെന്ന് റിപ്പോർട്ട്. നരേഷ് ഗോയലിന്റെ ഉടമസ്ഥതയിലായിരുന്ന കമ്പനി ജലാൻ-കൽറോക്ക് കൺസോർഷ്യം ഏറ്റെടുത്തതിന് പിന്നാലെ വിമാന സർവിസുകൾ പുനരാരംഭിക്കാൻ കേന്ദ്ര ആഭ്യന്തര മന്ത്രാലയം ജെറ്റ് അയർവേസിന് സെക്യൂരിറ്റി ക്ലിയറൻസ് നൽകിയതായി വിവിധ ഇന്ത്യൻ മാധ്യമങ്ങൾ റിപ്പോർട്ട് ചെയ്തു. എയർ ഓപ്പറേറ്റർ സർട്ടിഫിക്കറ്റ് ലഭിക്കുന്നതിന്റെ ഭാഗമായി കമ്പനി കഴിഞ്ഞ വ്യാഴാഴ്ച ഹൈദരാബാദ് എയർപോർട്ടിൽ പരീക്ഷണ പറക്കൽ നടത്തിയിരുന്നു.
ആയിരക്കണക്കിന് ജീവനക്കാർ ജോലി ചെയ്തിരുന്ന എയർലൈൻ കനത്ത സാമ്പത്തിക ബാധ്യതകളെ തുടർന്നാണ് സർവീസുകൾ അവസാനിപ്പിച്ചത്. 2019 ഏപ്രിൽ 17 നാണ് എയർലൈൻ അവസാനമായി സർവീസ് നടത്തിയത്.
സർവിസുകൾ എന്ന് തുടങ്ങുമെന്ന് കമ്പനി വ്യക്തമാക്കിയിട്ടില്ലെങ്കിലും സെപ്റ്റംബറിൽ തുടങ്ങാനാണ് സാധ്യതയെന്ന് റിപ്പോർട്ടുകൾ പറയുന്നു. ആദ്യം ആഭ്യന്തര സർവിസുകൾ തുടങ്ങിയതിന് ശേഷമായിരിക്കും വിദേശ സർവിസുകൾ പുനരാരംഭിക്കുക. ഇരുനൂറ് ജീവനക്കാരെ കമ്പനി ഇതിനകം നിയമിച്ചിട്ടുണ്ട്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
