December 11, 2022
December 11, 2022
ന്യൂസ്റൂം ബ്യുറോ
ദോഹ : ഖത്തർ ലോകകപ്പിൽ വാശിയേറിയ പോരാട്ടങ്ങൾക്ക് സാക്ഷിയായ അൽ രിഹ്ല പന്തുകൾ വിടവാങ്ങുന്നു.ശേഷിക്കുന്ന സെമി ഫൈനൽ,ഫൈനൽ മത്സരങ്ങൾക്ക് 'അൽ ഹിൽമ്'എന്ന് പേര് നൽകിയിരിക്കുന്ന പ്രത്യേക തരം പന്തായിരിക്കും താരങ്ങളുടെ കാലുകളിലേക്ക് എത്തുക.ഇതുവരെ ഉപയോഗിച്ചിരുന്ന അല് റിഹ്ലയില് നിന്നും നിരവധി സവിശേഷതകളുള്ളതാണ് ഈ പന്ത്.
അല് ഹില്മ് എന്നാല് അറബിയില് ‘ദി ഡ്രീം’ എന്നാണ് അര്ഥം. അല് രിഹ്ല പോലൈ അല് ഹില്മും ‘കണക്റ്റഡ് ബോള്’ സാങ്കേതികവിദ്യ ഉൾക്കൊള്ളുന്നതാണ്. സെമി ഓട്ടോമേറ്റഡ് ഓഫ്സൈഡ് തീരുമാനങ്ങള് വേഗത്തിലും കൃത്യമായും എടുക്കുന്നതില് ഈ സാങ്കേതിക വിദ്യ വൻ വിജയമാണെന്ന് ഇതിനോടകം തെളിയിച്ചിട്ടുണ്ട്.
ഫിഫ 2022 ലോകകപ്പ് സെമിഫൈനലിനും ഫൈനലിനുമുള്ള ഒഫീഷ്യല് മാച്ച് ബോളായി അഡിഡാസ് ഇന്നാണ് അല് ഹില്മിനെ അവതരിപ്പിച്ചത്.
ഡിസംബർ 13 ചൊവ്വാഴ്ചയാണ് സെമി ഫൈനൽ മത്സരങ്ങൾ ആരംഭിക്കുന്നത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക