November 29, 2022
November 29, 2022
ന്യൂസ്റൂം സ്പോർട്സ് ഡെസ്ക്
ദോഹ :ലോകകപ്പിൽ എല്ലാവരും ഉറ്റുനോക്കുന്ന മുൻനിര താരങ്ങളിൽ ഒരാളായ നെയ്മർ ഇനി ലോകകപ്പിൽ കളിക്കില്ലേയെന്ന ആശങ്കയിലാണ് ബ്രസീലിയൻ ആരാധകർ.ഗ്രൂപ്പ് ജിയില് ബ്രസീലും സ്വിറ്റ്സര്ലന്ഡും തമ്മിലുള്ള പോരാട്ടം കാണാന് കക്കയും റൊണാള്ഡോയും ഉള്പ്പെടെയുള്ള സീനിയര് താരങ്ങള് സ്റ്റേഡിയത്തിൽ എത്തിയിരുന്നെങ്കിലും നെയ്മര് മാത്രം മുറിയിലിരുന്നാണ് കളി ആസ്വദിച്ചത്.
നെയ്മറിന്റെ സഹതാരം വിനീഷ്യസ് ജൂനിയര് തന്നെ ഇതിന്റെ കാരണം വെളിപ്പെടുത്തിയിരിക്കുകയാണ്. നിലവില് പരിക്കിന്റെ പിടിയിലുള്ള നെയ്മർക്ക് പനി ബാധിച്ചിട്ടുണ്ടെന്നും അതിനാല് ടീം ഹോട്ടലില് തന്നെ തങ്ങുകയായിരുന്നുവെന്നും വീനിഷ്യസിനെ ഉദ്ധരിച്ച് വാര്ത്താ ഏജന്സിയായ എപി റിപ്പോര്ട്ട് ചെയ്യുന്നു. എന്നാല് ഇക്കാര്യത്തില് ബ്രസീല് ടീം ഔദ്യോഗിക വിശദീകരണങ്ങളൊന്നും നല്കിയിട്ടില്ല.
'മത്സരത്തിന് വരാന് കഴിയാത്തതില് നെയ്മര് അതീവ ദുഃഖിതനാണ്. കാലിലെ പരിക്ക് മാത്രമല്ല കാരണം. അദ്ദേഹത്തിന് ചെറിയ തോതില് പനിയുമുണ്ട്. എത്രയും വേഗത്തിൽ നെയ്മറിന് തിരിച്ചെത്താന് കഴിയുമെന്നാണ് പ്രതീക്ഷ'-വിനീഷ്യസ് പറഞ്ഞു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക