December 14, 2022
December 14, 2022
ന്യൂസ്റൂം ബ്യുറോ
ദോഹ : ലോകകപ്പ് മത്സരങ്ങൾക്കുള്ള തയാറെടുപ്പുകൾക്കിടെ ലുസൈൽ സ്റ്റേഡിയത്തിൽ നിന്ന് വീണ് പരിക്കേറ്റ സെക്യൂരിറ്റി ഗാർഡ് മരിച്ചതായി സുപ്രീം കമ്മറ്റി ഫോർ ലെഗസി അറിയിച്ചു.
കഴിഞ്ഞ ശനിയാഴ്ചയാണ് കെനിയൻ സ്വദേശിയായ ജോൺ എഞ്ചാവു കിബുവെ( 24) ഗാലറിയിൽ നിന്ന് വീണ് ഗുരുതരമായി പരിക്കേറ്റത്.സ്റ്റേഡിയത്തിലെ വൈദ്യസംഘം പ്രാഥമിക ശുശ്രൂഷകൾ നൽകിയ ശേഷം ഇദ്ദേഹത്തെ ഹമദ് ആശുപത്രിയിലേക്ക് മാറ്റിയിരുന്നു.പരിക്ക് ഗുരുതരമായതിനാൽ കഴിഞ്ഞ മൂന്ന് ദിവസമായി ജോൺ ഐ.സി.യൂ വിൽ തുടരുകയായിരുന്നു.ജോണിന് ഗുരുതരമായി പരിക്കേറ്റതായും അപകട നില തരണം ചെയ്തിട്ടില്ലെന്നും സുപ്രീം കമ്മറ്റി നേരത്തെ അറിയിച്ചിരുന്നു.അപകടമുണ്ടായ സാഹചര്യത്തെ കുറിച്ച് അന്വേഷണം നടക്കുന്നുണ്ട്.
ജോണിന്റെ മരണത്തിൽ സുപ്രീം കമ്മിറ്റി അനുശോചനം രേഖപ്പെടുത്തി.
"ജീവൻ രക്ഷിക്കാൻ ഡോക്ടർമാർ ശ്രമിച്ചെങ്കിലും ചൊവ്വാഴ്ച അദ്ദേഹം മരണപ്പെട്ടു. ബന്ധുക്കളെ മരണ വിവരം അറിയിച്ചിട്ടുണ്ട്. അദ്ദേഹത്തിന് നൽകേണ്ട ആനുകൂല്യങ്ങളെല്ലാം കുടുംബത്തിന് നൽകും," സുപ്രീം കമ്മിറ്റി പ്രസ്താവനയിൽ വ്യക്തമാക്കി.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക