November 24, 2020
November 24, 2020
ദോഹ: ഇന്ത്യന്‍ കമ്യൂണിറ്റി ബെനവലന്റ് ഫോറത്തിന്റെ (ഐ.സി.ബി.എഫ്) ഈ വര്‍ഷത്തെ അപ്രൈസേഷന്‍ അവാര്‍ഡ് യുണൈറ്റഡ് നഴ്സസ് ഓഫ് ഇന്ത്യ ഖത്തറിന് (യു.എന്‍.ഐ ഖത്തര്‍). ഖത്തറില്‍ നടത്തുന്ന അസാധാരണമായ സേവനങ്ങളും ഐ.സി.ബി.എഫിനും ഖത്തറിലെ മുഴുവന്‍ പ്രവാസി സമൂഹത്തിനും നല്‍കുന്ന പിന്തുണയുമാണ് യു.എന്‍.ഐ ഖത്തറിനെ അവാര്‍ഡിന് അര്‍ഹരാക്കിയത്.
നവംബര്‍ 28 ന് വൈകീട്ട് ഏഴ് മണിക്ക് വക്രയിലെ ഡി.പി.എസ്-എം.ഐ.എസ് ഇന്ത്യന്‍ സ്‌കൂളില്‍ നടക്കുന്ന ചടങ്ങില്‍ അവാര്‍ഡ് സമ്മാനിക്കും. ഖത്തറിലെ ഇന്ത്യന്‍ അംബാസിഡറും ഐ.സി.ബി.എഫിന്റെ രക്ഷാധികാരിയുമായ ഡോ. ദീപക് മിത്തല്‍ ആണ് അവാര്‍ഡ് നല്‍കുന്നത്. പൂര്‍ണ്ണമായും കൊവിഡ് പ്രോട്ടോക്കോള്‍ പാലിച്ചാണ് ചടങ്ങ് നടക്കുക എന്ന് ഐ.സി.ബി.എഫ് പ്രസിഡന്റ് പി.എന്‍ ബാബു രാജന്‍ അറിയിച്ചു.
ഖത്തറിലെ ഇന്ത്യന്‍ സമൂഹത്തിന്റെ ക്ഷേമത്തിനും ജീവകാരുണ്യ പ്രവര്‍ത്തനങ്ങള്‍ ഏകോപിപ്പിക്കുന്നതിനുമായുള്ള സംഘടനയാണ് ഇന്ത്യന്‍ കമ്യൂണിറ്റി ബെനവലന്റ് ഫോറം. ഇന്ത്യന്‍ എംബസിയുടെ ആഭിമുഖ്യത്തില്‍ 1984 ലാണ് ഐ.സി.ബി.എഫ് രൂപീകരിച്ചത്.
ന്യൂസ്‌റൂം വാർത്തകൾ വാട്ട്സ്ആപ്പിൽ മുടങ്ങാതെ ലഭിക്കാൻ +974 66200 167 എന്ന നമ്പറിൽ സന്ദേശം അയക്കുക.
ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.
