March 21, 2023
March 21, 2023
ന്യൂസ്റൂം ബ്യൂറോ
ദോഹ: ഖത്തറിന്റെ ഏറ്റവും പ്രബലരായ രണ്ടാമത്തെ വാണിജ്യ പങ്കാളിയാണ് ഇന്ത്യയെന്ന് ഡല്ഹിയില് നടന്ന 28-ാമത് പങ്കാളിത്ത ഉച്ചകോടിയില് ഖത്തര് വാണിജ്യ മന്ത്രാലയം വ്യക്തമാക്കി. നിലവില് 9136 ഇന്ത്യന് കമ്പനികള് ഖത്തര് കേന്ദ്രീകരിച്ച് പ്രവര്ത്തിക്കുന്നുണ്ട്. ഇരുരാജ്യങ്ങള്ക്കിടയില് 1720 കോടി റിയാലിന്റെ വാണിജ്യ ഇടപാടുകളാണ് നിലവിലുള്ളത്. 1510 കോടി റിയാലിന്റെ ഉല്പന്നങ്ങള് ഖത്തര് ഇന്ത്യയിലേക്ക് കയറ്റുമതി ചെയ്യുന്നുണ്ട്.
പെട്രോളിയം ഉല്പന്നങ്ങള്, അജൈവ രാസവസ്തുക്കള് എന്നീ ഉല്പന്നങ്ങളാണ് ഖത്തര് ഇന്ത്യയിലേക്ക് കയറ്റുമതി ചെയ്യുന്നത്. അതില് തന്നെ എല്.എന്.ജി, പെട്രോള് എന്നിവയ്ക്കായി ഇന്ത്യ ഏറെ ആശ്രയിക്കുന്ന രാജ്യമാണ് ഖത്തര്.
ഭക്ഷ്യ-കാര്ഷിക ഉല്പന്നങ്ങള്, വസ്ത്രം, ഇലക്ട്രോണിക്സ്, സ്റ്റീല്, രാസപദാര്ഥങ്ങള് എന്നിവയാണ് ഇന്ത്യയില് നിന്ന് ഖത്തറിലേക്ക് ഇറക്കുമതി ചെയ്യുന്ന ഉല്പന്നങ്ങള്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/BA70KEJMeBmGW92ahNcBva