July 22, 2023
July 22, 2023
ന്യൂസ്റൂം ബ്യുറോ
ദോഹ : ലോകമെമ്പാടും ആണവോർജ്ജത്തിന്റെ സമാധാനപരമായ ഉപയോഗത്തെ പ്രോത്സാഹിപ്പിക്കുന്നതിൽ ഖത്തർ നൽകിവരുന്ന പിന്തുണയെ അന്താരാഷ്ട്ര ആണവോർജ ഏജൻസി (IAEA) ഡയറക്ടർ ജനറൽ റാഫേൽ ഗ്രോസി അഭിനന്ദിച്ചു. .ഗ്രോസിയും ഐക്യരാഷ്ട്രസഭയിലെയും അന്താരാഷ്ട്ര സംഘടനകളിലെയും ഖത്തർ സ്ഥിരം പ്രതിനിധി സുൽത്താൻ ബിൻ സൽമീൻ അൽ മൻസൂരിയുമായി വിയന്നയിൽ നടത്തിയ കൂടിക്കാഴ്ചയ്ക്കിടെയാണ് റാഫേൽ ഗ്രോസി ഖത്തറിന്റെ അചഞ്ചലമായ പിന്തുണക്കും പങ്കാളിത്തത്തിനും നന്ദി അറിയിച്ചത്.
ഏജൻസിയുടെ വിവിധ പരിപാടികൾക്കും പദ്ധതികൾക്കും ഖത്തർ നൽകിവരുന്ന ഉദാരമായ സംഭാവനകൾക്കും ഗ്രോസി നന്ദി രേഖപ്പെടുത്തി.വിയന്നയുടെ പ്രാന്തപ്രദേശത്ത് സ്ഥിതി ചെയ്യുന്ന ഏജൻസിയുടെ സീബർസ്ഡോർഫ് ലബോറട്ടറികൾ നവീകരിക്കുന്നതിന് ഖത്തർ നൽകുന്ന സാമ്പത്തിക സഹായത്തിനും ഏജൻസിയുടെ സാങ്കേതിക സഹകരണ പരിപാടിയിൽ ഗൾഫ് രാജ്യങ്ങൾ നൽകിയ സംഭാവനകൾക്കും അദ്ദേഹം പ്രത്യേക അഭിനന്ദനം അറിയിച്ചു.
അതേസമയം, ആഗോള ആണവ ഏജൻസിയുടെ വരാനിരിക്കുന്ന പദ്ധതികളെ പിന്തുണയ്ക്കുന്നതിനുള്ള ദോഹയുടെ പ്രതിബദ്ധത അൽ മൻസൂരി കൂടിക്കാഴ്ചയിൽ ഊന്നിപ്പറഞ്ഞു.
ആണവ വ്യാപനം തടയാനുള്ള ദൗത്യത്തിൽ ഖത്തർ ഉറച്ചുനിൽക്കുകയും അംഗരാജ്യങ്ങളുടെ വികസനത്തിനും സാമ്പത്തിക വളർച്ചയ്ക്കും സാമൂഹിക പുരോഗതിക്കും ആണവ സാങ്കേതികവിദ്യകളുടെ സാധ്യതകൾ പ്രയോജനപ്പെടുത്തുന്നതിൽ സജീവമായി പിന്തുണയ്ക്കുകയും ചെയ്യുന്നുണ്ട്.ഭക്ഷ്യ ഉൽപ്പാദനം, കൃഷി, മനുഷ്യ ആരോഗ്യം, പരിസ്ഥിതി സംരക്ഷണം തുടങ്ങിയ നിർണായക മേഖലകളിൽ ആണവോർജം പ്രയോജനപ്പെടുത്തുന്നതിൽ ഖത്തർ പ്രത്യേകം ശ്രദ്ധിക്കുന്നതായും അദ്ദേഹം പറഞ്ഞു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH