November 09, 2022
November 09, 2022
ന്യൂസ്‌റൂം ബ്യുറോ
ദോഹ: യു.എ.ഇ ആസ്ഥാനമായ ഹോട്ട്പാക്ക് ദോഹയില്‍ നിര്‍മാണ പ്ലാന്റ് ആരംഭിച്ചു.ഫുഡ് പാക്കേജിങ് രംഗത്തെ ലോകോത്തര ബ്രാൻഡായ ഹോട്ട്പാക്ക് ഗ്ലോബലിന് ലോകത്തിന്റെ വിവിധ ഭാഗങ്ങളില്‍ ഫാക്ടറികള്‍ പ്രവര്‍ത്തിക്കുന്നുണ്ട്. 15ാമത് ഫാക്ടറിയാണ് ഖത്തറിൽ ആരംഭിച്ചത്.
2030ഓടെ ആഗോള ഫുഡ് പാക്കേജിങ് രംഗത്ത് മുന്‍നിരയിലെത്തുകയെന്ന കമ്പനിയുടെ പ്രവർത്തന ലക്ഷ്യത്തിന്റെ ഭാഗമായാണ് ഖത്തറിലും ഉൽപാദനം തുടങ്ങിയതെന്ന് മാനേജ്‌മെന്റ് അറിയിച്ചു.
ന്യൂ ഇന്‍ഡസ്ട്രിയല്‍ ഏരിയയില്‍ സ്ഥിതിചെയ്യുന്ന നിര്‍മാണ പ്ലാന്റ് ഫോള്‍ഡിങ് കാര്‍ട്ടണുകള്‍,കോറഗേറ്റഡ് കാര്‍ട്ടണുകള്‍, പേപ്പര്‍ ബാഗുകള്‍,പേപ്പര്‍ കപ്പുകള്‍ എന്നിവയുള്‍പ്പെടെ ഹോട്ട്പാക്കിന്റെ പേപ്പര്‍ ഉൽപന്നള്‍ക്കുള്ള അത്യാധുനിക ഫാക്ടറിയാണ്. ലോകത്തിലെ ഏറ്റവും വലിയ പാക്കേജിങ് നിർമാതാക്കളായി മാറാനുള്ള പദ്ധതി പ്രകാരമുള്ള വിഷന്‍ 2030 കൈവരിക്കുന്നതിനുള്ള തങ്ങളുടെ ശ്രമത്തില്‍ സുപ്രധാനമായ ചുവടുവെപ്പാണ് ഖത്തറിലെ പ്ലാന്റെന്ന് ഹോട്ട്പാക്ക് ഗ്ലോബല്‍ ഗ്രൂപ് മാനേജിങ് ഡയറക്ടര്‍ പി.ബി.അബ്ദുല്‍ ജബ്ബാര്‍ പറഞ്ഞു. ഖത്തറില്‍ ഫാക്ടറി തുറക്കുന്നതോടെ ഖത്തര്‍ വിപ ണിക്കു പുറമെ ആഗോള ആവശ്യകതകളിലേക്കും സുസ്ഥിര ഭക്ഷ്യ പാക്കേജിങ് ആവശ്യങ്ങ ള്‍ക്കുള്ള പരിഹാരമായിരിക്കുമെന്നും അദ്ദേഹം പറഞ്ഞു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
