July 05, 2023
July 05, 2023
ന്യൂസ്‌റൂം ബ്യുറോ
ദോഹ :ഭാര്യയിൽ നിന്നും വൃക്ക സ്വീകരിച്ച ഇന്ത്യക്കാരന്റെ വൃക്ക മാറ്റിവെക്കൽ ശസ്ത്രക്രിയ വിജയകരമായി പൂർത്തിയാക്കിയതായി:ഹമദ് മെഡിക്കൽ കോർപ്പറേഷൻ (എച്ച്എംസി) മെഡിക്കൽ ഡയറക്ടറും ഖത്തർ സെന്റർ ഫോർ ഓർഗൻ ട്രാൻസ്പ്ലാൻറേഷൻ ഡയറക്ടറുമായ ഡോ. യൂസഫ് അൽ മസ്‌ലമാനി പറഞ്ഞു, മൾട്ടി ഡിസിപ്ലിനറി മെഡിക്കൽ ടീമിന്റെ ശ്രമകരമായ പ്രവർത്തനങ്ങളാണ് ദൗത്യം വിജയകരമായി പൂർത്തിയാക്കാൻ സഹായിച്ചതെന്നും അത്യാധുനിക ശസ്ത്രക്രിയാ സാങ്കേതിക വിദ്യകൾ അവതരിപ്പിക്കുന്നതിലൂടെ രാജ്യത്തെ ആരോഗ്യമേഖല കൈവരിച്ച പുരോഗതിയെയാണ് ഇത് സൂചിപ്പിക്കുന്നതെന്നും അദ്ദേഹം കൂട്ടിച്ചേർത്തു.
ഭാര്യക്ക് തന്റെ വൃക്ക ഭർത്താവിന് പകുത്തു നൽകാൻ കഴിയുമെന്ന് ഉറപ്പുവരുത്താൻ വിപുലമായ വൈദ്യപരിശോധന നടത്തിയ ശേഷമാണ് മാറ്റിവെക്കൽ ശസ്ത്രക്രിയ നടത്തിയത്.
50 കാരനായ ഭർത്താവ് ഫൈസൽ കോഫോമൽ വൃക്ക തകരാറിലായതിനെ തുടർന്ന് 2017 ൽ ഖത്തറിന് പുറത്ത് വൃക്ക മാറ്റിവയ്ക്കൽ ശസ്ത്രക്രിയയ്ക്ക് വിധേയനായിരുന്നു.എന്നാൽ ഇതേത്തുടർന്നുണ്ടായ സങ്കീർണതകൾ അദ്ദേഹത്തിന്റെ ആരോഗ്യനില വഷളാക്കുകയായിരുന്നു.തുടർന്നാണ് ഹമദ് ആശുപത്രിയിലെ വിദഗ്ധരെ സമീപിച്ചത്.
ഈ വർഷം ഇതുവരെ 24 വൃക്ക മാറ്റിവെക്കൽ ശസ്ത്രക്രിയകൾ സംഘം വിജയകരമായി പൂർത്തിയാക്കിയതായും ഡോ. അൽ മസ്‌ലമാനി പറഞ്ഞു.
“2022 ൽ, ജീവിച്ചിരിക്കുന്ന ദാതാക്കളിൽ നിന്നുള്ള 25 വൃക്ക മാറ്റിവയ്ക്കലും മരിച്ച ദാതാക്കളിൽ നിന്നുള്ള 16 വൃക്ക മാറ്റിവയ്ക്കലും ഉൾപ്പെടെ 100 ശതമാനം വിജയകരമായ 41 വൃക്ക മാറ്റിവയ്ക്കൽ ശാസ്ത്രക്രിയകളാണ് ഞങ്ങൾ നടത്തിയത്."-ഡോ.മസ്‌ലമാനി കൂട്ടിച്ചേർത്തു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GjQM19221WxKnWo2cdbsZe
