January 10, 2020
January 10, 2020
ദോഹ : ഖത്തറിൽ മഴ ശക്തി പ്രാപിച്ചു. ഇന്നലെ വൈകീട്ട് മുതൽ രാജ്യത്തിന്റെ വിവിധ ഭാഗങ്ങളിൽ ഒറ്റപ്പെട്ട മഴ ലഭിച്ചിരുന്നു. അൽ ഖോർ,വക്ര ഭാഗങ്ങളിൽ ഇടിമിന്നലോട് കൂടിയ മഴയാണ് ലഭിച്ചത്. അർധരാത്രിയോടെ പല ഭാഗങ്ങളിലും തുടർച്ചയായി മഴ പെയ്തു.
ഇന്ന് രാവിലെയും മഴ തുടരുകയാണ്. ദോഹയിൽ പലയിടങ്ങളിലും വെള്ളക്കെട്ടുകൾ രൂപപ്പെട്ടിട്ടുണ്ട്. ഇന്ന് അവധി ദിനമായതിനാൽ റോഡുകളിൽ ജനങ്ങൾക്ക് വലിയ ബുദ്ധിമുട്ടുകൾ നേരിട്ടില്ലെങ്കിലും വെള്ളക്കെട്ട് രൂപപെട്ടതിനാൽ ചില ഭാഗങ്ങളിൽ വാഹനങ്ങൾ റോഡിൽ കുടുങ്ങി. മുനിസിപ്പാലിറ്റിയുടെ നേതൃത്വത്തിൽ ഇന്നലെ രാത്രി മുതൽ വെള്ളം നീക്കം ചെയ്യുന്നുണ്ട്. അസ്ഥിരകാലാവസ്ഥ തുടരുന്നതിനാൽ വാരാന്ത്യത്തിൽ മഴ അനുഭവപ്പെടുമെന്ന കാലാവസ്ഥാ വിഭാഗം നേരത്തെ മുന്നറിയിപ്പ് നൽകിയിരുന്നു.
