July 13, 2023
July 13, 2023
അൻവർ പാലേരി
ദോഹ :ഖത്തറിൽ ഹയ്യ കാർഡിൽ എത്തി ജോലി ചെയ്യുന്നവരെ പിടികൂടാൻ പരിശോധനകൾ ഊർജിതമാക്കി.കഴിഞ്ഞ ദിവസങ്ങളിൽ ഇത്തരം നിരവധി പേരെ പിടികൂടിയതായാണ് റിപ്പോർട്ട്.
ഹയ്യ കാർഡിൽ എത്തുന്നവർക്ക് ജോലി നൽകുന്ന സ്ഥാപനങ്ങൾക്ക് 25,000 റിയാലിന് മുകളിൽ പിഴ ചുമത്തുന്നുണ്ട്.മലയാളികളുടെ ഉടമസ്ഥതയിലുള്ള ചില റെസ്റ്റോറന്റുകൾക്ക് പിഴ ലഭിച്ചതോടൊപ്പം ജോലിക്ക് ആളെ നൽകിയവരെ പിടികൂടി നാട്ടിലേക്കയക്കുന്നതായും റിപ്പോർട്ട് ഉണ്ട്.
ഹയ്യ കാർഡിൽ ഖത്തറിൽ വരുന്നവർക്ക് രാജ്യം സന്ദർശിക്കാനും ബന്ധുക്കൾക്കും സുഹൃത്തുക്കൾക്കുമൊപ്പം താമസിക്കാനും മാത്രമാണ് അനുമതിയുള്ളത്.ഖത്തർ തൊഴിൽ നിയമപ്രകാരം തൊഴിൽ വിസയിലുള്ളവർക്ക് മാത്രമാണ് ജോലി ചെയ്യാൻ അനുമതിയുള്ളത്.ഏതെങ്കിലും തരത്തിലുള്ള സന്ദർശന വിസയിലുള്ളവർ ജോലി ചെയ്യുന്നത് കുറ്റകരമാണ്.ഇത്തരം വിസകളിലെത്തി ജോലി അന്വേഷിക്കുന്നതും ജോലി തേടി സമൂഹ മാധ്യമങ്ങളിൽ പരസ്യം ചെയ്യുന്നതും കുറ്റകരമാണ്.
അതേസമയം,ഹയ്യ കാർഡിൽ ഇപ്പോഴും ഖത്തറിലേക്ക് നിരവധി മലയാളികൾ ജോലി തേടി എത്തുന്നുണ്ട്.കേരളത്തിലെ ചില ട്രാവൽ ഏജൻസികൾ തെറ്റിദ്ധാരണയുണ്ടാക്കുന്ന വിവരങ്ങൾ നൽകി തൊഴിലന്വേഷകരെ ഖത്തറിലേക്ക് അയക്കുന്നതായും വിവരമുണ്ട്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH