May 04, 2023
May 04, 2023
ന്യൂസ്റൂം ബ്യൂറോ
ദോഹ: ഹമദ് അന്താരാഷ്ട്ര വിമാനത്താവളത്തിലൂടെ കടത്താന് ശ്രമിച്ച 4.9 കിലോഗ്രാം ഹാഷിഷ് പിടികൂടി. യാത്രികന്റെ ശരീരഭാഷയില് സംശയം തോന്നിയതിനെ തുടര്ന്ന് കസ്റ്റംസ് ഉദ്യോഗസ്ഥര് നടത്തിയ പരിശോധനയിലാണ് ബാഗില് നിന്നും ഹാഷിഷ് പിടികൂടിയത്. യാത്രക്കാരനെയും പിടികൂടിയ മയക്കമരുന്നും തുടര്നടപടികള്ക്കായി ബന്ധപ്പെട്ട വിഭാഗത്തിന് കൈമാറി.
കുറച്ച് ദിവസങ്ങള്ക്ക് മുന്പ് യാത്രികന്റെ ബാഗില് നിന്ന് 3,360 ലിറിക്ക ഗുളികകള് ഹമദ് അന്താരാഷ്ട്ര വിമാനത്താവളത്തില് നിന്ന് കസ്റ്റംസ് ഉദ്യോഗസ്ഥര് പിടികൂടിയിരുന്നു.
രാജ്യത്തേക്ക് നിരോധിത വസ്തുക്കള് അനധികൃതമായി കടത്തുന്നത് തടയാന് കസ്റ്റംസ് ഉദ്യോഗസ്ഥര്ക്ക് ഏറ്റവും പുതിയ ഉപകരണങ്ങളും, യാത്രക്കാരുടെ ശരീരഭാഷ മനസ്സിലാക്കി പിടികൂടുന്നതിനുള്ള തുടര്ച്ചയായ പരിശീലനവും നല്കിവരുന്നുണ്ട്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL