September 28, 2022
September 28, 2022
ന്യുസ്റൂം ബ്യുറോ
ദോഹ : ഖത്തറിന്റെ വടക്കൻ തീരത്തുള്ള കൈറ്റ്സർഫിംഗ് റിസോർട്ടായ ഫുവൈരിത് കൈറ്റ് ബീച്ച് റിസോർട്ട് അടുത്ത മാസം പൊതുജനങ്ങൾക്കായി തുറക്കും.ഈ വർഷാവസാനം ഫിഫ ലോകകപ്പിനായി ലക്ഷക്കണക്കിന്സ സന്ദർശകർ രാജ്യത്തേക്ക് വരാനിരിക്കെ,പുതിയ റിസോർട്ടു കൂടി തുറക്കുന്നത് ഏറെ പ്രയോജനപ്പെടുമെന്നാണ് അധികൃതർ പ്രതീക്ഷിക്കുന്നത്.
ബീച്ച് റിസോർട്ടിൽ പട്ടം പറത്തലുകാർക്കും പരിശീലകർക്കും ആവശ്യമായ എല്ലാ അടിസ്ഥാന സൗകര്യങ്ങളും ഉണ്ടായിരിക്കും. പട്ടം പറത്തലിന് പുറമെ,.പാഡിൽ-ബോർഡിംഗ്, പാരാസെയിലിംഗ്, വേക്ക്ബോർഡിംഗ്, കയാക്കിംഗ്, സ്നോർക്കെലിംഗ്, സ്കൂബ-ഡൈവിംഗ് തുടങ്ങിയ സാഹസിക കായിക വിനോദങ്ങൾക്കുള്ള സൗകര്യങ്ങളും റിസോർട്ടിൽ ലഭ്യമായിരിക്കും.
നാലോ അഞ്ചോ പേരുള്ള ഒരു കുടുംബത്തിന് അനുയോജ്യമായ എട്ട് കണക്റ്റിംഗ് റൂമുകൾ.സഹിതം 50 മുറികളാണ് ഫുവൈരിത് ബീച്ച് റിസോർട്ടിലുള്ളത്.ഇതിൽ നാൽപ്പതോളം മുറികൾ കടൽത്തീരത്തിന് അഭിമുഖമായുള്ളതാണ്. മുപ്പത്തിരണ്ടു മുറികളിൽ കിംഗ് സൈസ് കിടക്കകളും എട്ടെണ്ണം ഇരട്ട മുറികളുമാണ്.
ഗസ്റ്റ് ഹൗസ്, ഫിറ്റ്നസ് സെന്റർ, ബീച്ച് വോളിബോൾ, ബീച്ച് ഫുട്ബോൾ, ഫംഗ്ഷൻ ഹാളിലേക്ക് മാറ്റാവുന്ന യോഗ പവലിയൻ, ഉടൻ തുറക്കാനിരിക്കുന്ന ഔട്ട്ഡോർ സിനിമ എന്നീ സൗകര്യങ്ങളും റിസോർട്ടിലുണ്ടാവും.ഫുവാരിയാത്തിൽ സ്ഥിതി ചെയ്യുന്ന റിസോർട്ടിലേക്ക് 94.4 കിലോമീറ്ററാണ് ദോഹയിൽ നിന്നുള്ള ദൂരം.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക