September 22, 2022
September 22, 2022
ന്യൂസ്റൂം ബ്യുറോ
ദോഹ : അബുസമ്ര അതിർത്തി വഴി ഖത്തറിലേക്ക് കടത്താൻ ശ്രമിച്ച നാലിനം മയക്കുമരുന്ന് ഗുളികകൾ കസ്റ്റംസ് പിടികൂടി കാറിന്റെ ഭാഗങ്ങളിൽ ഒളിപ്പിച്ച നിലയിലാണ് നിരോധിത ഗുളികകൾ കണ്ടെത്തിയത്.
44 ക്യാപ്റ്റഗൺ ഗുളികകൾ, 9 ലിറിക്ക ഗുളികകൾ, മറ്റ് രണ്ട് മയക്കുമരുന്ന് ഗുളികകൾ എന്നിവ പിടിച്ചെടുത്തവയിൽ ഉൾപ്പെടുന്നു.പിടിച്ചെടുത്ത നിരോധിത ലഹരി വസ്തുക്കൾ ബന്ധപ്പെട്ട വകുപ്പിന് കൈമാറിയതായി കസ്റ്റംസ് അറിയിച്ചു.
ഖത്തർ ലോകകപ്പ് അടുത്തതോടെ രാജ്യത്തേക്ക് ലഹരിവസ്തുക്കൾ കടത്താനുള്ള ശ്രമങ്ങൾ തുടർച്ചയായി ഉണ്ടാകുന്നുണ്ടെങ്കിലും നൂതന സംവിധാനങ്ങൾ ഉപയോഗിച്ചുള്ള പഴുതടച്ച പരിശോധനകളിലൂടെ കസ്റ്റംസ് ഇത്തരം നീക്കങ്ങൾ തടയുകയാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക