July 21, 2022
July 21, 2022
ദോഹ : ഖത്തറിൽ ആദ്യ കുരങ്ങുപനി(മങ്കിപോക്സ്‌) സ്ഥിരീകരിച്ചതായി പൊതുജനാരോഗ്യ മന്ത്രാലയം അറിയിച്ചു.വിദേശത്തു നിന്നും ഖത്തറിൽ തിരിച്ചെത്തിയ യാത്രക്കാരനിലാണ് രോഗം സ്ഥിരീകരിച്ചത്.
രോഗിയെ ആശുപത്രിയിൽ ഐസൊലേഷനിൽ പാർപ്പിച്ചിരിക്കുകയാണെന്നും രോഗം പകരാതിരിക്കാനാവശ്യമായ മുൻകരുതൽ നടപടികൾ സ്വീകരിച്ചതായും മന്ത്രാലയം അറിയിച്ചു.രോഗം സ്ഥിരീകരിച്ച വ്യക്തിയുമായി അടുത്ത സമ്പർക്കം പുലർത്തിയ മുഴുവൻ ആളുകളെയുംകണ്ടെത്തി 21 ദിവസം നിരീക്ഷിക്കുമെന്നും അധികൃതർ വ്യക്തമാക്കി.
രോഗബാധിതരെ കണ്ടെത്തുന്നതിനും രോഗനിർണയം നടത്തുന്നതിനും, നിയന്ത്രിക്കുന്നതിനുള്ള നടപടികൾ സ്വീകരിച്ചതിനോടൊപ്പം ആവശ്യമായ മാർഗ്ഗനിർദ്ദേശങ്ങൾ നൽകിയിട്ടുണ്ടെന്നും പൊതുജനാരോഗ്യ മന്ത്രാലയം ഔദ്യോഗിക വെബ്‌സൈറ്റിൽ നൽകിയ അറിയിപ്പിൽ വ്യക്തമാക്കി.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
