April 24, 2020
April 24, 2020
ദോഹ : കോവിഡ് വ്യാപനത്തെ തുടർന്ന് പള്ളികൾ അടച്ചിട്ട ശേഷം ഇന്ന് ആദ്യമായി ദോഹയിലെ ഇമാം മുഹമ്മദ് ബിൻ അബ്ദുൽ വഹാബ് പള്ളിയിൽ ജുമുഅ നമസ്കാരം നടന്നു. ഒരു മാസത്തിന് ശേഷമാണ് ഈയൊരു പള്ളി മാത്രം ഇന്ന് പ്രാർത്ഥനക്കായി തുറന്നത്. ഇമാമും ജീവനക്കാരും ഉൾപെടെ നാൽപത് പേരാണ് നമസ്കരിക്കാൻ ഉണ്ടായിരുന്നത്.
കൃത്യമായ സാമൂഹിക അകലം പാലിച്ചും ആവശ്യമായ സുരക്ഷാ മുൻകരുതലുകളെല്ലാം സ്വീകരിച്ചുമാണ് ജുമുഅ നമസ്കാരം നടന്നത്.ദേശീയ ടെലിവിഷൻ ചാനലിലൂടെയും റേഡിയോകളിലൂടെയും ജുമുഅ നമസ്കാരം തത്സമയം സംപ്രേഷണം ചെയ്തിരുന്നു.ഒരു മാസം മുമ്പാണ് കോവിഡ് വ്യാപനം തടയുന്നതിന്റെ ഭാഗമായി രാജ്യത്തെ പള്ളികൾ അടച്ചത്.
ന്യുസ്‌റൂം വാർത്തകൾ മുടങ്ങാതെ വാട്സ്ആപ്പിൽ ലഭിക്കാൻ +974 66200167 എന്ന ഖത്തർ വാട്സ് ആപ് നമ്പറിലേക്ക് സന്ദേശമയക്കുക
