December 13, 2022
December 13, 2022
ന്യൂസ്‌റൂം ബ്യുറോ
ദോഹ : പഴയകാല ഫുട്‌ബോള്‍ ഇതിഹാസങ്ങളെ അണിനിരത്തി തിങ്കളാഴ്‌ച ദോഹയിൽ സംഘടിപ്പിച്ച സൗഹൃദ മൽസരത്തിൽ ഫിഫ പ്രസിഡന്റ് ജിയാനി ഇന്‍ഫാന്റിനോ റഫറിയായി.അല്‍ തുമാമ സ്റ്റേഡിയത്തിലാണ് ഖത്തറില്‍ നിന്നുള്ള തൊഴിലാളികളെയും ആരാധകരെയും സന്നദ്ധപ്രവര്‍ത്തകരെയും ഉള്‍പ്പെടുത്തി മൽസരം സംഘടിപ്പിച്ചത്.
മുൻകാല ഫുട്‌ബോള്‍ ഇതിഹാസങ്ങളായ ബ്രസീലിന്റെ കഫു, ഇംഗ്ലണ്ടിന്റെ ജോണ്‍ ടെറി, നെതര്‍ലന്‍ഡിന്റെ ക്ലാരന്‍ സീഡോര്‍ഫ് എന്നിവരും സ്റ്റേഡിയത്തിലിറങ്ങി.
10 മിനിറ്റിലധികം സമയം ഇൻഫാന്റിനോ മൽസരം നിയന്ത്രിച്ചു.കളിക്കിടെ രണ്ടു തവണ ഇൻഫാന്റിനോ മഞ്ഞക്കാർഡ് ഉയർത്തിയതായും പ്രാദേശികപത്രം റിപ്പോർട്ട് ചെയ്തു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക
