September 03, 2019
September 03, 2019
ഇന്ത്യയുമായുള്ള മത്സരത്തിനുള്ള ടിക്കറ്റുകൾ 8, 9 തീയതികളിൽ ലഭിക്കും. 10, 20, 50 റിയാൽ എന്നിങ്ങനെയാണ് ടിക്കറ്റ് നിരക്കുകൾ.
ദോഹ : 2022 ഫിഫ ലോകകപ്പ്, 2023 ഏഷ്യൻ കപ്പ് യോഗ്യതാ മത്സരങ്ങളുടെ ടിക്കറ്റുകൾ അൽ സദ്ദ് സ്റ്റേഡിയത്തിൽ ലഭിക്കുമെന്ന് അധികൃതർ അറിയിച്ചു. സെപ്റ്റംബർ 5ന് ഖത്തർ അഫ്ഗാനിസ്ഥാനുമായും 10ന് ഇന്ത്യയുമായാണ് മത്സരങ്ങൾ. അൽ സദ്ദ് സ്റ്റേഡിയത്തിലാണ് (ജാസിം ബിൻ ഹമദ് സ്റ്റേഡിയം) മത്സരങ്ങൾ നടക്കുക. പ്രാദേശിക സമയം വൈകിട്ട് 7.30നാണ് രണ്ട് മത്സരങ്ങളും നടക്കുക.
ഖത്തർ-അഫ്ഗാൻ മത്സരങ്ങൾക്കുള്ള ടിക്കറ്റുകൾ ഇന്നും നാളെയും ലഭിക്കും. ടിക്കറ്റുകൾ വൈകിട്ട് 4 മുതൽ രാത്രി 9 വരെ സ്റ്റേഡിയത്തിന്റെ പ്രവേശന കവാടത്തിലെ കൗണ്ടറിൽ നിന്നും ലഭിക്കും. മത്സര ദിനത്തിന് 2 മണിക്കൂർ മുമ്പ് വരെ ടിക്കറ്റുകൾ ലഭ്യമാകും.ഇന്ത്യയുമായുള്ള മത്സരത്തിനുള്ള ടിക്കറ്റുകൾ 8, 9 തീയതികളിൽ ലഭിക്കും. 10, 20, 50 റിയാൽ എന്നിങ്ങനെയാണ് ടിക്കറ്റ് നിരക്കുകൾ.