November 05, 2022
November 05, 2022
അൻവർ പാലേരി
ദോഹ : 2022 ഖത്തർ ഫിഫ ലോകകപ്പിന്റെ ഉദ്ഘാടന ചടങ്ങ് എക്കാലത്തെയും ശ്രദ്ധേയമായ കായിക ഇനമായിരിക്കുമെന്ന് ഫിഫ സെക്രട്ടറി ജനറൽ ഫത്‌മ സമൂറ.
നവംബർ 20 ഞായറാഴ്ച വൈകുന്നേരം പ്രാദേശിക സമയം കൃത്യം ഏഴ് മണിക്ക് അൽ ബെയ്ത്ത് സ്റ്റേഡിയത്തിൽ ആരംഭിക്കുന്ന ഉൽഘാടന ചടങ്ങുകൾ ലോകകപ്പ് ചരിത്രത്തിലെ എക്കാലത്തെയും മികച്ച ഈവന്റായിരിക്കുമെന്നും അവർ പറഞ്ഞു.
"മുമ്പ് സംഭവിക്കാത്ത കാര്യങ്ങൾക്ക് ഈ ലോകകപ്പ് സാക്ഷ്യം വഹിക്കും. ഇത് ആദ്യമായാണ് മിഡിൽ ഈസ്റ്റിലും അറബ് ലോകത്തും ടൂർണമെന്റ് നടക്കുന്നത്ആ.ഇതാദ്യമായാണ് എല്ലാ ടീമുകളും ഒരു നഗരത്തിൽ ഒത്തുകൂടുന്നത്. ലോകമെമ്പാടുമുള്ള ആരാധകർക്ക് ലോകത്തെ കാണാനും ഒത്തുചേരാനും പാടാനും നൃത്തം ചെയ്യാനും ലോകത്തിന്റെ പോസിറ്റീവ് വികാരങ്ങൾ പങ്കുവെക്കാനും ഖത്തറിൽ അവസരമുണ്ടാകും.2022 നവംബർ 20 ഞായറാഴ്ച, ലോകത്തിന്റെ മുഴുവൻ കണ്ണുകളും ഖത്തറിലേക്കായിരിക്കും"
തന്റെ രാജ്യമായ സെനഗലിലെ ആളുകളെപ്പോലെ ഖത്തറിലെ ജനങ്ങളെ ഒരു യാഥാസ്ഥിതിക സമൂഹമായി കാണുന്നവരുണ്ടായേക്കും. പക്ഷേ ഖത്തറികൾ ഭൂമിയിലെ ഏറ്റവും വലിയ ഉദാരമതികളാണെന്നും അവർ അഭിപ്രായപ്പെട്ടു.
"നിങ്ങളുടെ ജാതി, മതം, വിഭിന്ന ലൈംഗിക ആഭിമുഖ്യം എന്നിവയൊന്നും പരിഗണിക്കാതെ എല്ലാവരെയും ഖത്തറിലേക്ക് സ്വാഗതം നിങ്ങൾക്ക് സങ്കൽപ്പിക്കാൻ കഴിയുന്ന ഏറ്റവും മികച്ച ആതിഥ്യമരുളിക്കൊണ്ട് നിങ്ങളെ സ്വീകരിക്കാൻ ഖത്തറികൾ തയ്യാറാണ്."
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
