October 26, 2022
October 26, 2022
ന്യൂസ്റൂം ബ്യുറോ
ദോഹ: ഹയ്യ പ്ലാറ്റ്ഫോമിലെയും മൊബൈല് ആപ്ലിക്കേഷനിലെയും ഫാമിലി ആന്ഡ് ഫ്രണ്ട്സ് സേവനം വഴി താമസസ്ഥലം കണ്ടെത്താനുള്ള സൗകര്യം ഉടന് അവസാനിപ്പിക്കുമെന്ന് സുപ്രീം കമ്മിറ്റി ഫോര് ഡെലിവറി ആന്ഡ് ലെഗസി അറിയിച്ചു.
2022 നവംബര് 1 മുതല് ഫിഫ 2022 ടിക്കറ്റ് ഉടമകള്ക്ക് ഈ താമസ സൗകര്യം ലഭ്യമാകില്ല.
2022 നവംബര് 1-ന് മുമ്പ് ഓരോ ടിക്കറ്റ് ഉടമയ്ക്കും സെക്യൂരിറ്റി ക്ലിയറന്സ് ലഭിക്കുന്നുണ്ടെന്ന് ഉറപ്പാക്കാന് സാവകാശം വേണ്ടതിനാലാണ് ഇതെന്ന് സുപ്രീം കമ്മറ്റി വ്യക്തമാക്കി.
നവംബര് 1 വരെ ആരാധകര്ക്ക് ഫാമിലി ആന്ഡ് ഫ്രണ്ട്സ് സേവനത്തിനായി അപേക്ഷിക്കുന്നത് തുടരാം. ഈ തീയതിക്ക് ശേഷം ആരാധകര്ക്ക് ഖത്തര് അക്കോമഡേഷന് ഏജന്സി വഴിയോ മൂന്നാം കക്ഷി പ്ലാറ്റ്ഫോമുകള് വഴിയോ താമസ സൗകര്യം ബുക്ക് ചെയ്യേണ്ടിവരും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക