April 19, 2021
April 19, 2021
ദോഹ : കഴിഞ്ഞ ദിവസം കോവിഡ് സ്ഥിരീകരിച്ച ലോക പ്രശസ്ത പണ്ഡിതന് യൂസുഫുല് ഖറദാവി മരിച്ചതായി വ്യാജപ്രചരണം. ഇന്റര്നാഷനല് യൂനിയന് ഓഫ് മുസ്ലിം സ്കോളേഴ്സ് ആണ് വാർത്ത നിഷേധിച്ച് രംഗത്തെത്തിയത്. അദ്ദേഹം ഏതാനും മണിക്കൂറുകൾ മാത്രമാണ് ആശുപത്രിയിൽ ചിലവഴിച്ചതെന്നും വീട്ടിൽ തിരിച്ചെത്തിയതായും ഇന്റര്നാഷനല് യൂനിയന് ഓഫ് മുസ്ലിം സ്കോളേഴ്സ് ട്വീറ്റ് ചെയ്തു.
ഏപ്രിൽ 17 നാണ് താൻ കോവിഡ് പോസറ്റിവ് ആയതായി ഖറദാവി തന്നെ ട്വിറ്ററിൽ അറിയിച്ചത്.ഇതിന് പിന്നാലെയാണ് അദ്ദേഹം മരിച്ചതായി ചിലർ വ്യാജ വാർത്തകൾ പ്രചരിപ്പിച്ചത്.
ഇന്റര്നാഷനല് യൂനിയന് ഓഫ് മുസ്ലിം സ്കോളേഴ്സ് സ്ഥാപക പ്രസിഡന്റിന്റെ മരണം സംബന്ധിച്ച് പ്രചരിക്കുന്നത് വ്യാജവാര്ത്തയാണ്. അദ്ദേഹത്തിന് കോവിഡിന്റെ നേരിയ ലക്ഷണങ്ങള് മാത്രമേ ഉണ്ടായിരുന്നുള്ളു. ഏതാനും മണിക്കൂറുകള് ആശുപത്രിയില് കഴിഞ്ഞ ശേഷം അദ്ദേഹം വീട്ടിലേക്കു മടങ്ങിയിരുന്നതായും പണ്ഡിത സഭ ട്വിറ്ററില് അറിയിച്ചു.
കഴിഞ്ഞ കുറെ വര്ഷങ്ങളായി ഡോ.യൂസഫ് അൽ ഖറദാവി ദോഹയിലാണ് താമസിക്കുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക