January 31, 2022
January 31, 2022
Newsroom Exclusive
അൻവർ പാലേരി
ദോഹ : ഖത്തറിലെ ഹമദ് മെഡിക്കൽ കോർപറേഷന് കീഴിലെ ജീവനക്കാർക്ക് രാജ്യം വിടുന്നതിന് വീണ്ടും എക്സിറ്റ് നിർബന്ധമാക്കി.കോവിഡ് വ്യാപനം രൂക്ഷമായ ഘട്ടത്തിൽ ഇത്തരമൊരു നിബന്ധന നേരത്തെ പ്രാബല്യത്തിലുണ്ടായിരുന്നെങ്കിലും പിന്നീട് പിൻവലിച്ചിരുന്നു.ഇതാണ് കഴിഞ്ഞ ദിവസം മുതൽ വീണ്ടും നിലവിൽ വന്നത്.കഴിഞ്ഞ ദിവസം അവധിക്കായി നാട്ടിലേക്ക് പോകാനെത്തിയ നിരവധി പേരാണ് ഇതേതുടർന്ന് ബുദ്ധിമുട്ടിലായത്.
നിലവിൽ ഖത്തറിൽ നിന്നും പുറത്തേക്ക് യാത്ര ചെയ്യുന്നവർക്ക് എക്സിറ്റ് ആവശ്യമില്ല.നേരത്തെ ഇത്തരമൊരു നിയമം പ്രാബല്യത്തിലുണ്ടായിരുന്നെങ്കിലും ദീർഘനാളത്തെ കാത്തിരിപ്പിന് ശേഷം ഈ നിബന്ധന നീക്കം ചെയ്തിരുന്നു.ഹമദ് മെഡിക്കൽ കോർപറേഷന് കീഴിലെ ജീവനക്കാർക്ക് മാത്രമാണ് പുതുതായി എക്സിറ്റ് നിർബന്ധമാക്കിയത്.രാജ്യത്തെ കോവിഡ് സാഹചര്യം കൂടി കണക്കിലെടുത്താണ് ആരോഗ്യമേഖലയിലെ പ്രവർത്തകർക്ക് മാത്രമായി ഇത്തരമൊരു നിബന്ധന വീണ്ടും നടപ്പിലാക്കിയതെന്നാണ് സൂചന. എന്നാൽ ഇതുസംബന്ധിച്ച ഔദ്യോഗിക അറിയിപ്പുകളൊന്നും അധികൃതർ പുറത്തുവിട്ടിട്ടില്ല.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
