February 12, 2023
February 12, 2023
ന്യൂസ്റൂം ബ്യുറോ
ദോഹ :സാമ്പത്തിക ശേഷിയില്ലാതെ രോഗാവസ്ഥയിൽ പ്രയാസപ്പെടുന്ന പ്രവാസികൾക്ക് ഖത്തറിലെ മലയാളി പ്രവാസി വ്യവസായി ദശലക്ഷം ഖത്തർ റിയാലിന്റെ സാമ്പത്തിക സഹായം പ്രഖ്യാപിച്ചു. നസീം ഹെൽത്ത് കെയർ എംഡിയും 33 ഹോൽഡിങ്സ് സിഎംഡിയുമായ വി.പി. മുഹമ്മദ് മിയാൻദാദ് ആണ് അർഹരായ രോഗികൾക്ക് ശസ്ത്രക്രിയകൾക്കായി സഹായം പ്രഖ്യാപിച്ചത്. ഖത്തർ ഐഡികളുള്ള അർഹരായ ഖത്തർ നിവാസികൾക്കാണ് ഈ ആനുകൂല്യം ലഭിക്കുക.
നസീം സർജിക്കൽ സെന്റർ വഴി രോഗാവസ്ഥയുടെ ഗൗരവം കണക്കാക്കി സഹായം ലഭ്യമാക്കുമെന്ന് അദ്ദേഹം പറഞ്ഞു. . എംബസി, സാമൂഹിക, ജീവകാരുണ്യ അസോസിയേഷനുകൾ, പ്രമുഖ വ്യക്തികൾ, മാധ്യമങ്ങൾ എന്നിവയുടെ നിർദേശപ്രകാരം സാധുവായ ഖത്തർ രേഖകളുള്ളവർക്ക് ഡോക്ടർമാരുമായി ബന്ധപ്പെട്ട് രോഗാവസ്ഥ നിർണയിച്ച് അംഗീകാരം ലഭിച്ച ശേഷമായിരിക്കും സഹായം നൽകുക.
ആരോഗ്യത്തിനു ഏറെ പ്രാധാന്യമുള്ളതിനാൽ സാമ്പത്തിക സഹായം ആവശ്യമായ രോഗികളെ സഹായിക്കേണ്ടത് തന്റെ കടമയായി കരുതുന്നുവെന്ന് വി.പി. മുഹമ്മദ് മിയാൻദാദ് പറഞ്ഞു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക