November 02, 2022
November 02, 2022
അൻവർ പാലേരി
ദോഹ : ദീർഘകാലം ഖത്തറിൽ പ്രവാസിയും ഖത്തർ കെമിക്കൽസിൽ ഉദ്യോഗസ്ഥനുമായിരുന്ന കോട്ടയം പുതുപ്പള്ളി സ്വദേശി മത്തായി ഫിലിപ്പോസ് ഫിലിപ്‌ എന്ന ഫിലിപ്പ് മറ്റത്തിൽ(65) നാട്ടിൽ നിര്യാതനായി.ചൊവ്വാഴ്ച രാത്രി കോയമ്പത്തൂരിലായിരുന്നു അന്ത്യം.ഖത്തർ ഫൗണ്ടേഷനിൽ ജീവനക്കാരിയായിരുന്ന മീന ഫിലിപ്പ് ആണ് ഭാര്യ.
ഖത്തർ കെമിക്കൽസിൽ കെമിസ്റ്റ് ആയിരുന്ന ഫിലിപ്പ് ജോലിയിൽ നിന്ന് വിരമിച്ചതിനെ തുടർന്ന് 2018 ലാണ് ഭാര്യ മീന ഫിലിപ്പിനൊപ്പം നാട്ടിലേക്ക് മടങ്ങിയത്.കൃഷിയെ സ്നേഹിച്ചിരുന്ന ദമ്പതികൾ ഖത്തറിലെ കാർഷിക കൂട്ടായ്മകളിൽ സജീവമായിരുന്നു.ഖത്തർ വിട്ട ശേഷം കോയമ്പത്തൂരിലായിരുന്നു താമസം.
മക്കൾ :ജിയോ ഫിലിപ്പ് നേരത്തെ ഖത്തർ ക്യൂ.എൻ.സി.സിയിൽ ജോലി ചെയ്തിരുന്നു.ഇപ്പോൾ ഖത്തറിൽ സ്വകാര്യ കമ്പനിയിൽ ജോലി ചെയ്യുന്നു. മകൾ : എലിസബത്ത് ഫിലിപ്പ് അമേരിക്കയിൽ ജോലി ചെയ്യുന്നു..മൃതദേഹം നാളെ കോട്ടയത്ത് എത്തിച്ച ശേഷം വെള്ളിയാഴ്ച പുതുപ്പളിയിൽ സംസ്കരിക്കും.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
