March 28, 2022
March 28, 2022
ദോഹ : അൽ സമാൽ റോഡിലുണ്ടായ വാഹനാപകടത്തിൽ എം.ഇ.എസ്.ഇന്ത്യൻ സ്കൂളിലെ മൂന്ന് പൂർവ്വ വിദ്യാർത്ഥികൾ മരിച്ചു. ബംഗ്ലാദേശ് സ്വദേശികളായ അഹ്മദ് സഫ്വാൻ, ഇസ്റാൻ, അസ്ഹറുൽ ഹക്ക് ജോയ് എന്നിവരാണ് മരണമടഞ്ഞത്. ഖത്തറിൽ കുടുംബസമേതം താമസിക്കുകയായിരുന്നു ഇവർ.
ശനിയാഴ്ച രാത്രിയാണ് ഇവർ സഞ്ചരിച്ചിരുന്ന വാഹനം അപകടത്തിൽ പെട്ടത്. ഇവരുടെ വാഹനം റോഡരികിൽ പഞ്ചറായെന്നും, മൂന്ന് പേരും ചേർന്ന് വാഹനം ശരിയാക്കുന്നതിനിടെ മറ്റൊരു വാഹനം പിറകിൽ നിന്നും ഇടിക്കുകയായിരുന്നുമെന്നുമാണ് റിപ്പോർട്ടുകൾ. ഒരാൾ സംഭവസ്ഥലത്തും, മറ്റ് രണ്ടുപേരും ആശുപത്രിയിലേക്കുള്ള വഴിമധ്യേയുമാണ് മരണത്തിന് കീഴടങ്ങിയത്.