May 14, 2023
May 14, 2023
ന്യൂസ്‌റൂം ബ്യൂറോ
ദോഹ: ഹമദ് മെഡിക്കല്‍ കോര്‍പ്പറേഷനിലെ(എച്ച്എംസി) സായാഹ്ന ക്ലിനിക്കുകള്‍ വഴി മൂന്നു മാസത്തിനുള്ളില്‍ 20,000 രോഗികള്‍ക്ക് സേവനമെത്തിക്കാനാവുമെന്ന് അധികൃതര്‍ അറിയിച്ചു. കൂടുതല്‍ ആവശ്യക്കാരുള്ള സ്‌പെഷാലിറ്റി വിഭാഗങ്ങളിലെ രോഗികള്‍ക്കായി മെയ് ഒന്നു മുതല്‍ എച്ച്എംസി സായാഹ്ന ക്ലിനിക്കുകള്‍ ആരംഭിച്ചിരുന്നു. നിലവില്‍ സായാഹ്ന ക്ലിനിക്കുകള്‍ അവയുടെ രണ്ടാം ഘട്ടത്തിലേക്ക് സഞ്ചരിക്കുകയാണെന്ന് അധികൃതര്‍ വ്യക്തമാക്കി. ബോണ്‍ ആന്‍ഡ് ജോയിന്റ് സെന്റര്‍ വഴി 90 ദിവസത്തിനുള്ളില്‍ 13,000 രോഗികള്‍ക്ക് സേവനം നല്‍കുമെന്നും എച്ച്എംസി അധികൃതര്‍ അറിയിച്ചു. അതേസമയം അപ്പോയ്‌മെന്റെടുത്ത 20 ശതമാനം രോഗികള്‍ സായാഹ്ന ക്ലിനിക്കുകളില്‍ എത്തുന്നില്ലെന്നും അത്തരം അവസരങ്ങളില്‍ അപ്പോയ്‌മെന്റുകള്‍ റീ ഷെഡ്യൂള്‍ ചെയ്യണമെന്നും അധികൃതര്‍ ആവശ്യപ്പെട്ടു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL
