June 13, 2023
June 13, 2023
ന്യൂസ്റൂം ബ്യുറോ
ദോഹ:ഖത്തർ അമീർ ഷെയ്ഖ് തമീം ബിൻ ഹമദ് അൽതാനി ഖത്തർ നാഷണൽ കൺവെൻഷൻ സെന്ററിൽ നടക്കുന്ന ദോഹാ രാജ്യാന്തര പുസ്തക മേള സന്ദർശിച്ചു.കഴിഞ്ഞ ദിവസം പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുല്റഹ്മാൻ ആല്താനിയാണ് പ്രദര്ശനം ഉദ്ഘാടനം ചെയ്തത്.
'വായനയിലൂടെ നമ്മള് വളരുന്നു' പ്രമേയത്തില് സ്വദേശികളിലും പ്രവാസി സമൂഹത്തിലും വായനയുടെ പ്രാധാന്യം ബോധ്യപ്പെടുത്തുന്ന സന്ദേശവുമായാണ് ഇത്തവണ പത്തുദിനം നീളുന്ന പുസ്തക പ്രദര്ശനം നടക്കുന്നത്.
ഇന്ത്യൻ കൾചറൽ സെന്ററിന്റെ നേതൃത്വത്തിൽ ഖത്തര് ഇന്ത്യന് എംബസിയുടെ സ്റ്റാള് ഇന്ത്യന് എംബസി ചാര്ജ് ഡി അഫയേഴ്സ് ആഞ്ജലീന് പ്രേമലത ഉദ്ഘാടനം ചെയ്തു.ഇന്ത്യയെ കുറിച്ച് കൂടുതല് അറിയാന് ദോഹ എക്സിബിഷന് ആന്റ് കണ്വെന്ഷന് സെന്ററിലെ ഇന്ത്യന് എംബസി സ്റ്റാള് സന്ദര്ശിക്കാവുന്നതാണ്.
ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz