October 05, 2022
October 05, 2022
ന്യൂസ്‌റൂം ബ്യുറോ
ദോഹ : ഖത്തർ ലോകകപ്പ് പ്രമാണിച്ച് നവംബർ 1 മുതൽ 17 വരെയുള്ള കാലയളവിൽ പൊതു-സ്വകാര്യ സ്‌കൂളുകളിലെ പ്രവർത്തി സമയം വിദ്യാഭ്യാസ മന്ത്രാലയം പ്രഖ്യാപിച്ചു.ഇതനുസരിച്ച്,സർക്കാർ, സ്വകാര്യ സ്‌കൂളുകളുടെ പ്രവർത്തന സമയം രാവിലെ ഏഴ് മുതൽ ഉച്ചയ്ക്ക് 12 വരെയായിരിക്കും.
അതേസമയം,അംഗപരിമിതർക്കുള്ള സ്വകാര്യ നഴ്‌സറികളിലെയും വിദ്യാഭ്യാസ കേന്ദ്രങ്ങളിലെയും പ്രവർത്തിസമയത്തിൽ മാറ്റമുണ്ടാവില്ല.നിലവിലുള്ള രീതിയിൽ തന്നെ തുടരും.
ഒന്നാം സെമസ്റ്റർ പരീക്ഷ നടക്കുന്ന നവംബർ 6 മുതൽ നവംബർ 17 വരെ ദേശീയ നിലവാരത്തെ അടിസ്ഥാനമാക്കി പ്രവർത്തിക്കുന്ന പൊതു സ്കൂളുകളിലെയും സ്വകാര്യ സ്കൂളുകളിലെയും വിദ്യാർത്ഥികൾക്ക് രാവിലെ 9 മുതൽ 11 വരെ ആയിരിക്കും ക്ലാസുണ്ടാവുക.നവംബർ 20 ന് സ്‌കൂൾ അടക്കും. മന്ത്രിസഭാ തീരുമാനപ്രകാരം, 2022 നവംബർ 20 മുതൽ ഡിസംബർ 22 വരെയായിരിക്കും അർധവാർഷിക അവധി.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FZrPbBIed7U4lm5VsQzYgH എന്ന ലിങ്കിൽ ജോയിൻ ചെയ്യുക
