May 15, 2022
May 15, 2022
ദോഹ : ഖത്തറിൽ കഴിഞ്ഞ ഏതാനും ദിവസങ്ങളായി ശക്തമായ പൊടിക്കാറ്റ് അനുഭവപ്പെടുന്നതിനാൽ പുറത്ത് ജോലി ചെയ്യുന്ന തൊഴിലാളികൾക്ക് ആവശ്യമായ സുരക്ഷാ മുൻകരുതൽ നടപടികൾ സ്വീകരിക്കണമെന്ന് തൊഴിൽമന്ത്രാലയം.കാലാവസ്ഥയിലുണ്ടാകുന്ന മാറ്റങ്ങൾ കൃത്യമായി നിരീക്ഷിച്ച് ആവശ്യമായ സുരക്ഷാ മുൻകരുതൽ നടപടികൾ സ്വീകരിക്കണമെന്നാണ് തൊഴിലുടമകൾക്കും കമ്പനികൾക്കും നൽകിയ നിർദേശം.
എല്ലാ തൊഴിലുടമകളും ജോലിസ്ഥലങ്ങളിൽ ആവശ്യമായ സുരക്ഷാ നടപടിക്രമങ്ങൾ പാലിക്കണം. കാറ്റിന്റെ വേഗത മനസിലാക്കാനും സാധാരണയിൽ കവിഞ്ഞ വേഗം പ്രാപിക്കുമ്പോൾ ക്രെയിൻ ഉപയോഗിച്ചുള്ള പ്രവർത്തനങ്ങൾ നിർത്തിവെക്കുകയും വേണം.” മന്ത്രാലയം ട്വീറ്റ് ചെയ്തു.
തൊഴിൽ മന്ത്രാലയം സ്വീകരിച്ച തുടർച്ചയായ പ്രതിരോധ പ്രവർത്തനങ്ങൾ കാരണം നിർജലീകരണം,കൂടിയ താപനില എന്നിവ മൂലം തൊഴിലാളികൾക്കുണ്ടാകുന്ന സമ്മർദങ്ങൾ 2019-2020-വർഷങ്ങളിൽ ഉണ്ടായിരുന്നതിനേക്കാൾ ലഘൂകരിക്കാൻ കഴിഞ്ഞതായും മന്ത്രാലയം അവകാശപ്പെട്ടു.
ഖത്തർ കാലാവസ്ഥാ വകുപ്പിന്റെ (ക്യുഎംഡി) പ്രവചനമനുസരിച്ച്, ശക്തമായ വടക്കുപടിഞ്ഞാറൻ കാറ്റ് ഏതാനും ദിവസങ്ങൾ കൂടി തുടരും.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക